ЯҢАЛЫКЛАР
26 нчы апрель татар халкы өчен үзенчәлекле көннәрнең берсе. Ул көнне бөек язучыбыз Габдулла Тукайның туган көне - аңың тууына 135 ел. Шулай ук, 2021 нче ел Татарстан Республикасында туган телләр һәм халыклар бердәмлеге елы буларак билгеләп үтелә. Шул уңайдан, Саба муниципаль районы Советы каршындагы Яшьләр парламенты район яшьләре арасында туган телләр һәм халыклар бердәмлеге елына багышланган диктант оештырды. Әлеге чараның төп максаты булып Татарстан Республикасында яшәүче халыкларның туган телләрен, мәдәниятен һәм традицияләрен саклау һәм үстерү, республиканың күпмилләтле халкының бердәмлеген ныгыту, әхлакый-әхлакый хисләр тәрбияләү, бөек татар шагыйре Габдулла Тукайның тарихи мирасын кабул итү тора.
Диктант Саба гимназиясе базасында узды. Үз белемнәрен тикшерергә районыбызның иң актив яшьләре килгәннәр иде. Чара Габдулла Тукайның "Туган тел" җыры белән башланып китте. Яшьләребезгә Габдулла Тукайның "Исемдә калганнар" автобиографик әсәреннән өзек тәкъдим ителде. Текстның беренче яртысы татар телендә булса, икенче өлеше рус телендә яңгырады. Диктант тәмамланганнан соң, катнашучылар кечкенә сораштыруда катнашып, телебезгә карата үз фикеләрен җиткерделәр.
2021 нче елның 12 нче мартында «Сабантуй» спорт һәм мәдәният комплексында Саба муниципаль районы яшьләре арасында дебатлар узды. Әлеге чара Саба район Советы каршында Яшьләр парламенты инициативасы белән оештырылды. Дебатларда катнашучылар экспертларның сорауларына җавап бирделәр һәм оештыручылар биргән темаларга үз фикерләрен әйттеләр. Дебатларда район яшьләре арасында 30 дан артык катнашучы катнашты.
Дебатлар нәтиҗәләре буенча җиңүчеләр дип Завод-Нырты урта мәктәбе укучысы Гаффарова Гүзәл һәм Сәләтле балалар мәктәп-интернаты укучысы Хәсәншин Салават билгеләнделәр.
Бүген, 2021 нче елның 25нче февраль көнне, Саба муниципаль районы Башкарма комитетының актлар залында Татарстан Республикасы Саба муниципаль районы Советы каршындагы Яшьләр парламентының икенче утырышы узды. Утырышта Саба муниципаль районы башлыгы урынбасары Расих Закирҗанов чыгыш ясады, шулай ук, Саба муниципаль районы Башкарма комитеты бүлекләреннән вәкилләр чакырылган иде. Яшьләр парламенты икенче утырышта көн тәртибендәге алты мәсьәләне карады.
Татарстан Республикасы Саба муниципаль районы яшьләре өчен хокукый иҗат итү процессында турыдан-туры катнашу мөмкинлеге бирү юлы белән Татарстан Республикасы Саба муниципаль районы Советы каршындагы Яшьләр парламенты Саба муниципаль районы яшьләре арасында дебатлар үткәрүне планлаштыра.
Чарада катнашу өчен Саба муниципаль районының 14-35 яшьлек яшьләре, актив тормыш позициясе булган Саба муниципаль районы җирле үзидарә органнары вәкилләре, яшь депутатлар, мәктәп укучылары, студентлар, яшьләр һәм балалар иҗтимагый оешмалары әгъзалары, яшьләр парламенты әгъзалары һәм башка кызыксынган затлар чакырыла.
Дебатларда 1 мартыннан да соңга калмыйча катнашу өчен сылтама буенча теркәлү узарга кирәк https://forms кgle/PaXGFqWyRgd6aLGA6 .
Үткәрү датасы: 2021 елның 12 марты.
Үткәрү урыны: Татарстан Республикасы Саба муниципаль районы "Сабантуй» спорт мәктәбе актлар залы ( Байлар Сабасы ш.т.б., Лесная урамы, 1 йорт.)
Катнашучыларны теркәү: 17.30 сәг.
Башлана: 18.00 сәгатьтә.
Дебатлар турында тулырак нигезләмәдә.