ЯҢАЛЫКЛАР
22 ноябрьдә сүзлекләр һәм энциклопедияләр көне билгеләп үтелә. Нәкъ менә 22 ноябрь-бөек Россия лексикографы Владимир Иванович Дальның (1801-1872), «Толковый словарь живого великорусского языка» сүзлеге авторы туган көне. Сүзлекләр һәм энциклопедияләр көне уңаеннан Шәмәрдән балалар китапханәсе 2020 елның 23 ноябрендә «Читайка» клуб берләшмәсе әгъзалары өчен «В гостях у Почемучки» дип исемләнгән библиографик дәрес үткәрде. «Толковая», «Замена», «Объяснение фразеологизмов», «Антонимы. Синонимы» тукталышларында балалар сүзлекләрдән сүзләр эзләделәр, аңлаттылар, фразеологизмнар, синонимнар белән алыштырдылар, аларның антонимнарын эзләделәр. Китапханә мөдире Галиакберова Р.Х. белән берлектә «Словари русского языка», «Школьная пора, уроков – тьма!» презентацияләре ярдәмендә укучылар дөньяның иң танылган сүзлекләрен һәм рус теленең гадәти булмаган сүзлекләрен искә төшерделәр. Алар арасында: «Обратный словарь русского языка», «Обратный словарь русских личных имён», «Словарь редких и забытых слов», «Русские названия жителей» сүзлекләре бар иде. Укучылар игътибарына шулай ук «Они знают всё» дигән китап күргәзмәсе оештырылды һәм уен формасында сүзлекләргә һәм энциклопедияләргә күзәтү ясалды. Библиографик дәрес "Невидящие" дип аталган физминут белән тәмамланды. Чара файдалы һәм кызыклы үтте.
2020 елның 3 - 8 ноябрь көннәрендә Россия Федерациясенең һәр
субъектында V Юбилей халыкара «Зур этнографик диктант» акциясе узды. Акция
Халыклар бердәмлеге көненә багышланган иде.
Үткәрелгән анализ нигезендә, Татарстан Республикасы 2016 елда Россия
буенча иң яхшы нәтиҗә күрсәтеп, уртача балл 81,3 не тәшкил итте. 2018 ел
нәтиҗәләре буенча Татарстан баллар саны буенча лидерлар өчлегенә кереп,
өченче урынны, 2019 елда Татарстан икенче урынны алды.
Быел әлеге акциядә мәдәният бүлегеннән 240 кеше катнашты.
Диктантта 30 тест биреме бар иде: 20 сорау гомумфедераль өлеш - барлык
катнашучылар өчен бердәм, 10 сорау региональ өлеш – Россия
Федерациясенең һәр субъекты өчен аерым сораулар. Катнашучылар югары
баллар җыеп Сертификатларга ия булдылар. Аларга зур
рәхмәтебезне җиткерәбез!
25 октябрьдә Автомобильчеләр көне билгеләп үтелә. Шул уңайдан 23 октябрь көнне Мичәнбаш авыл китапханәчесе, Мичәнбаш авыл клубы мөдире белән берлектә, Шәмәрдәннең "Салават күпере" балалар бакчасында "Машиналар планетасы" дип исемләнгән чара уздырдылар. Чарада балаларга кунакка Светофор килде һәм үзенең юлда төп ярдәмче булуын, җәяүлеләрнең һәм машиналарның хәрәкәтен җайга салуы хакында аңлатты, ә юлда тәртип бозучы Дракоша юл хәрәкәте кагыйдәләренең әһәмиятенә төшенде. Шулай ук чарада "Юл хәрәкәте иминлеге" ДБУнең Казан шәһәре территориаль идарәсе профилактика бүлегенең Саба районындагы бүлек башлыгы Ягафарова Гүзәл Назыйф кызы да катнашты, ул балаларга юл йөрү кагыйдәләре һәм юл билгеләре турында сөйләде. Чараны "Йөк машинасы", "Үз билгеңне тап", "Самокатта кем тизрәк"кебек уеннар җанландырып җибәрде. Чара ахырында барлык балаларга да бүләкләр тапшырылды.