Территорияне җыештыру

Сатыш авылында Бөек Ватан сугышында һәлак булган сугышчылар истәлегенә төзелгән һәйкәл  тирәлегендә төзекләндерү эшләре башкарылды. Бюджет системасы хезмәткәрләренә рәхмәтебезне белдерәбез.

Чисталык икеайлыгы кысаларында Сатыш авыл җирлеге зиратларында өмәләр булып узды.Авыл халкы, кайткан кунаклар актив катнаштылар. Өмәдә катнашучылар тирә-якны коры-сарыдан, коелган яфраклардан һәм кыш буе җыелган башка чүп-чардан чистарттылар. Авыл зиратын тәртипкә китерү өчен күп көч  кирәк булды. Катнашучыларга рәхмәт белдерәбез!

Сатыш "Кояшкай" балалар бакчасында - бөтендөнья хезмәтне саклау көнендә "Хезмәтне саклау-балалар күзлегеннән" дигән "Интеллектуаль - уен викторинасы" узды. Балалар участокта уеннар уйнаганда, шөгыльләр, экскурсияләр вакытында саклык чаралары турындагы сорауларга җавап бирделәр, беренче ярдәм күрсәтү буенча сюжетлы-рольле уен уйнадылар. Һәркайда, һәрвакыт сак булыйк, сәламәтлек, иминлегебез - үзебезнең кулларда.

1 май көнне Курсабаш мәдәният йортында, Курсабаш авыл җирлеге үзешчән сәнгать артистлары белән берлектә "Җәмиләнең җенләнүе" спектаклен куйдылар. Комедиянең вакыйгалары гади гаиләдә бара, нигезендә көнкүреш темасына гаилә конфликты ята. Ул безнең заман өчен бик актуаль. Артистларның якты һәм оста уйнавы, залның соклануын уятты.