"Дулкын" радиосында кунакта

Бүген Саба үзәк район хастаханәсенең актлар залында 7 апрельдә билгеләп үтелә торган Йөкле хатын-кызлар көненә багышланган тантаналы чара узды. Аерым игътибар тормышларындагы иң мөһим вакыйгага әзерләнүче булачак әниләргә юнәлтелде. Очрашуда катнашучылар өчен социаль яклау һәм ЗАГС бүлеге белгечләре тулы консультация үткәрделәр. Алар гамәлдәге дәүләт ярдәме чаралары, кирәкле документларны рәсмиләштерү тәртибе һәм бала туганда түләнә торган пособиеләр турында сөйләделәр.

Югары Шытсу мәдәният йортының Шарифуллиннар гаилә дуэты һәм "Дубая" халык уен кораллары ансамбле "Татар моңы мәңге яңгырар" халыкара фестиваль-конкурсының I, II дәрәҗәдәге диплом лауреатлары булдылар. Чын күңелдән котлыйбыз!

    10 апрель көнне Лесхоз картлар һәм инвалидлар йортында шәфкать туташы «Баш авыртканда үз-үзеңә массаж» дигән темага әңгәмә үткәрде. Уз-үзеңә массаж ясау-тәннең билгеле бер участокларына мөстәкыйль йогынты ясау, киеренкелекне киметү, авыруларны профилактикалау һәм кайбер медицина бурычларын хәл итү техникасы ул. Әлеге чара барышында тәрбияләнүчеләр авыртуны киметергә һәм баш авыртуы вакытында хәлне җиңеләйтергә ярдәм итә торган махсус манипуляцияләр нигезләре белән  таныштылар. Әңгәмәдән  соң тиешле буклетлар таратылды.