Лесхоз бистәсендә чаңгы ярышында

22 февральдә «Яшьлек» яшьләр үзәге яшьләр эшләре һәм спорт бүлеге белән берлектә Шәмәрдән авылында хезмәт коллективларының һәм авыл җирлекләренең ирләр командалары арасында алкалы хоккей буенча Татарстан Республикасы Саба муниципаль районы Чемпионаты финалы оештырды.  "Тимершык" командасы  чемпион калды. Чын күңелдән котлыйбыз!

18 февраль көнне Саба районы мәдәният йортында Саба районының 2025 елгы социаль-икътисадый үсешенең йомгаклау утырышы үтте. Анда Тимершык авыл җирлеге башлыгы Айдар Ханифуллович Татарстан Республикасы Дәүләт Советы Рәисе Фәрит Мөхәммәтшинның Рәхмәт хаты белән бүләкләнде. Чын күңелдән котлыйбыз, уңышлар, сәламәтлек, тынычлык теләп калабыз. Хезмәте һәрчак шулай югары бәяләнсен.

Патриотик тәрбия кысаларында «Тургай» приютында тәрбияләнүчеләр «Лесхоз картлар һәм инвалидлар интернат-йортында» булдылар, анда яшәүчеләрне Ватанны саклаучылар көне белән котладылар.  Чара буыннар арасындагы элемтәләрне ныгытуга юнәлдерелгән иде. Тәрбияләнүчеләр бик матур концерт номерлары әзерләгәннәр.  Балалар үз куллары белән ясалган бүләкләр әзерләделәр. Һәр открыткада-балалар җылысының бер кисәкчеге. Күрсәгез иде, бабайлар бу тыйнак бүләкләрне никадәр дулкынланып кабул иттеләр! Алар өчен бу , аларны хәтерләүләре, бәяләүләре һәм хөрмәт итүләре билгесе.  Без картлар һәм инвалидлар интернат-йорты администрациясенә җылы кабул итүләре өчен рәхмәтебезне белдерәбез. Киткәндә, балалар кире кайтырга вәгъдә иттеләр, чөнки мондый очрашулар барыбызны да кешеләргә карата игелеклерәк булырга чакыра.  Иң мөһиме : яклаучы ул— кулына корал тоткан кеше генә түгел, бәлки күңелендә тынычлык һәм яхшылык саклаучы да.