Байлар Сабасы шәһәр тибындагы бистәсендә Овражная тыкрыгына асфальт җәю эшләре бара

Саба районының Иштуган авыл җирлегендә яшәүче Макаровлар гаиләсе «Гаилә аҗаганы» проектының региональ этабында катнашып, районыбыз данын яклап кайттылар.

Бөтенроссия һөнәри юнәлеш бирү технологик конкурсында катнашучыларны котлау

Саба туган якны өйрәнү музее хезмәткәрләре Арча шәһәре укучылары өчен «Туган якның тарихы һәм истәлекле урыннары» маршруты буенча экскурсия оештырдылар. Мәктәп укучылары Саба туган якны өйрәнү музеенда, «Ямьле Саба» яр буенда, уен мәйданчыгы булган Saba паркында күңел ачтылар. Шулай ук, сәяхәтне дәвам итеп Лесхоз бистәсендә урнашкан Нургали Миңнеханов исемендәге дендрология бакчасы, Саба урман хуҗалыгы тарихы музее һәм Кыңгыраулар музеенда күрделәр. Маршрутны дәвам итеп Сатыш авылында урнашкан, Россиядә бердәнбер интерактив мәдрәсә музеенда да кунак булдылар. Балалар Саба районының табигате, тарихы һәм традицияләре белән таныштылар, сирәк очрый торган үсемлекләрне, тарихи артефактларны һәм матур урыннарны күрделәр. Экскурсия укучыларга кече ватаннарына яңача карарга һәм аның бай мирасы белән горурланырга ярдәм итте.

С. Н.Хәбибуллина шәхси эшмәкәрлек предприятиесенең сәүдә объектында сатучылар өчен сәүдә кагыйдәләренең нормаларын аңлату буенча семинар үткәрелде. Чараны Татарстан Республикасы Дәүләт алкоголь инспекциясенең Арча территориаль органы белгечләре үткәрде.