Заманча белем бирү мохите шартларында мәктәпкәчә яшьтәге балаларның сөйләмен үстерү һәм туган телне саклау
28нче июнь көнне Саба муниципаль районы мәгариф хезмәткәрләренең август киңәшмәсе кысаларында 3 нче номерлы Саба “Шоколад” балалар бакчасы базасында Мәктәпкәчә белем бирү учреждениеләре педагоглары секциясе узды. Очрашуның темасы – «Заманча белем бирү мохите шартларында мәктәпкәчә яшьтәге балаларның сөйләмен үстерү һәм туган телне саклау».
Чара уникаль белем бирү Сабантуе форматында узды. Ул «Бирнә җыю» милли йоласыннан башланды. Тәрбиячеләр үзләре белән «Бирнә» алып килделәр, ә «Шоколад» балалар бакчасы педагоглары аларны җыеп, Сабантуй турында җырлар башкардылар һәм дәртле татар биюләре башкардылар. Саба һәм Шәмәрдән балалар бакчаларында «Көрәш», «Аркан тарту», «Колгага менү», «Чүлмәк вату», «Капчык сугышы», «Ат чабышы», «Көянтә-чиләк белән су ташу», «Кашыкка йомырка салып йөрү», «Гер күтәрү» кебек уеннар оештырылды Бу уеннар сөйләмне үстерүгә, бәйләнешле сөйләм һәм сөйләм культурасын формалаштыруга юнәлдерелгән белем бирү бәйгеләре кебек уздырылды. Чара ахырында «Иң креатив һәм кызыклы уен» номинациясендә җиңүчеләрне билгеләнде һәм барлык уен нәтиҗәләре буенча иң актив педагог бүләкләнде.
Секциянең икенче өлеше сөйләмнең аваз культурасына багышланган иде. Өлкән тәрбиячеләр «Сөйләм үсеше өлкәсендә ФОП ДО», «Авазлар, иҗекләр һәм сүзләр», «Аваз белән танышу этаплары» темалары буенча эш тәҗрибәләре белән уртаклаштылар.
Сабантуй мавыктыргыч һәм күңелле узды. Барыгызга да актив катнашуыгыз һәм бүләкләрегез өчен рәхмәт!