“Югары Утар психик тайпылышлары булган гражданнар өчен балалар интернат йорты”нда “Дари Добро” хезмәткәрләре һәм волонтерлар катнашында балалар сабантуе

Бүген Югары Утар балалар интернат-йортында балалар Сабантуе узды. Бу бәйрәм - татар халкының гореф-гадәтләре, халык уеннары белән таныштыра торган бәйрәм, шуңа күрә мондый чараны оештыру балаларга патриотик, милли тәрбия бирүдә зур әһәмияткә ия. Тантаналы ачылыштан соң уеннар башланды. Капчыкларда йөгерү, чаңгы белән йөгерү, тачкалар белән узышу, кефирдан акча табу, туплы хоккей, төсләре буенча шарларны аеру, ретро-машиналарны тарту һ.б. Бу ярышларда балалар зур энтузиазм белән катнашты. Кунаклар арасында «Дари Добро» волонтерлары, «Елмай» сөт комбинаты һәм Саба районы администрациясе вәкилләре булды. Сабантуй “Россия көне” бәйрәменә туры килде. Чарабыз кунаклары “Без синең балаларың, Россия!” дип исемләнгән әңгәмәдә катнаштылар һәм асфальтта тематик рәсемнәр ясадылар. Чара азагында барлык катнашучылар да рухи канәгатьләнү, истәлекле бүләкләр алдылар.