Муниципаль районнар Саба муниципаль районы

8 июнь көнне Мичән авыл җирлегендә милли бәйрәм - Сабантуй бәйрәме узды!

2025 елның 11 июне, чәршәмбе

8 нче июнь көнне Мичән авыл җирлегендә татар халкының милли бәйрәме Сабантуй гөрләп узды. Хезмәт алдынгыларын бүләкләү, өлкәннәр һәм балалар өчен милли һәм мавыктыргыч уеннар, авыл халкының концерты, көрәш, спорт уеннары (аркан тарту, гер спорты, әтәч тоту, еракка итек ату, утын кисү, олы капчыкта парлап ярышу, җәйге чаңгыда узышу, су ташу, чүлмәк вату, таяк тартышу, кул көрәше, капчык сугышы, волейбол), артистлар чыгышы булды. Бәйрәмнең махсус кунагы Алинә Сафиуллина үзенең матур җырлары белән чыгыш ясады, Язнур Фатыйхов, Айнур Гәрәев үзләренең матур җырларын бүләк иттеләр, бәйрәмне күңелле итеп алып баруда үз өлешләрен керттеләр. Сабантуйның алып баручысы Искәндәр Заһидуллин уеннарны югары дәрәҗәдә күңелле итеп оештырды. Авыл халкы һәм кайткан кунаклар исеменнән рәхмәтебезне җиткерәбез! Халык бәйрәмнән бик канәгать булып таралды. Татарча көрәштә абсолют батыр булып Яңа Мичән авылыннан Айнур Мубараков калды.

Тэги: Мичән авыл җирлеге

Мичән авыл җирлеге

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Бадминтон буенча бөтенроссия яшүсмерләр ярышлары

2025 елның 2 декабреннән 5 декабренә кадәр Уфа шәһәрендә бадминтон буенча бөтенроссия яшүсмерләр ярышлары узды, анда Россиянең 13 төбәгеннән 245 спортчы катнашты. Ярышлар рангы "Өч йолдыз" . Саба районыннан "Саба-Арена" спортчылары уңышлы чыгыш ясады һәм 6 медаль яулады. 1 урын - Сафина Элина - Ким Алёна (Самара) 1 урын - Галимуллин Рәсүл - Шевелев Иван (Алесеевск) 2 нче урын - Сафина Элина 3 нче урын - Зәйнеев Айназ - Мәрданшин Раил (Әлмәт) 3 урын - Сафина Элина - Бурганов Данияр. Ярышларда катнашучыларның барысы да медальләр белән кайтты. Балаларыбызны, аларның ата-аналарын, тренер Г.Х. Зарипованы лаеклы нәтиҗәләр белән котлыйбыз, сәламәтлек һәм алга таба спорт казанышлары телибез. Шулай ук спортчыларның Бөтенроссия ярышларына бару мөмкинлеге өчен тренер һәм ата-аналар исеменнән Саба районы җитәкчелегенә рәхмәт белдерәбез.

Курсабаш мәдәният йортында бәйрәм концерты

Курсабаш мәдәният йортында татар эстрадасының популяр җырчысы, «Болгар радиосы» премиясе лауреаты Гөлүс Хәбибрахмановның «Әниләр көне»нә багышланган концерты булды.Һәрберебез өчен әни-тормышта иң мөһим кеше. Иң якын, иң кадерле, бердәнбер кешене атап йөртүче бу тылсымлы сүз никадәр җылылык яшерә. Залда гадәттән тыш күңелле, бәйрәмчә атмосфера хөкем сөрә иде. Җанлы тавыш бер тамашачыны да битараф калдырмады: башкарылган һәр композиция көчле алкышлар белән үрелеп барды.Әлеге чараның иганәчесе - «Курсабаш»ҖЧҖ.

Түбән Утар авыл клубында «Яраткан әниләр өчен» дип исемләнгән бәйрәм концерты

Түбән Утар авыл клубында «Яраткан әниләр өчен» дип исемләнгән бәйрәм концерты булып узды. Безнең һәрберебез өчен әни-тормышта иң мөһим кеше. Бу тылсымлы сүз күпме җылылык яшерә, иң якын, кадерле, бердәнбер кеше дип атала. Залда бәйрәм атмосферасы хөкем сөрде. Бер-бер артлы сәхнәдә яшь талантлар һәм үзешчәннәр чыгыш ясады. Концертта катнашучылар җырлар җырладылар, шигырьләр укыдылар, биеделәр, һәм болар барысы да яраткан әниләренә багышланды. Әниләр чыгышларны сокланып карадылар һәм чын күңелдән шатландылар. Мондый көнгә багышланган концерт үзенчәлекле булды һәм күңелләргә рухи ял бирде!

"Курсабаш" мини-футбол командасы

"Курсабаш" командасы мини-футбол буенча Саба районы чемпионатында актив катнаша. Бу авылда яшәүчеләрнең спорт активлыгының югары дәрәҗәдә булуын һәм җирле хакимиятнең халык арасында массакүләм спортны үстерүгә ярдәм итүен күрсәтә. Мини-футбол уеннарны оештыру җиңеллеге аркасында популяр спорт төре булып тора. Ул яшьләрнең сәламәтлеген ныгытуга, команда рухын үстерүгә һәм сәламәт яшәү рәвешен формалаштыруга ярдәм итә.Шулай итеп, "Курсабаш" командасы мини-футболны популярлаштыруда һәм Саба районында яшәүчеләргә спорт белән шөгыльләнү өчен уңай шартлар тудыруда мөһим роль уйный.

ЯҢАЛЫКЛАРГА ЯЗЫЛУ