Сатыш авылында көрәш буенча Яңа ел турниры

2025 елның 9 гыйнвары, пәнҗешәмбе

7 гыйнвар көнне Сатыш авылы мәдәният йортында 2009 нче елгы һәм аннан яшьрәк егетләр арасында көрәш буенча Яңа Ел турниры булып узды. Бәйгедә Саба районыннан килгән 60 дән артык көрәшче катнашты. Көрәшчеләрне котларга Кыш бабай һәм Кар кызы да килгән иде. Татарстан Республикасы Дәүләт Советы депутаты Хаҗипов Нәҗип Нәкыйп улы иганәчелек ярдәме белән барлык көрәшчеләргә Яңа ел бүләкләре тапшырды. Спортчыларны һәм аларның тренерларын уңышлы чыгышлары белән котлыйбыз.