Сәрдә авыл клубында «Балалы солянка»

2024 елның 2 декабре, дүшәмбе

30 ноябрь көнне Сәрдә авыл клубында Гаилә елына һәм әниләр көненә багышланган "Балалы солянка" концерты булып узды. Бу бәйрәмдә һәрберебезнең тормышындагы иң мөһим кешегә - әниебезгә сакчыл мөнәсәбәтебезне искә төшерәбез. Барлык әниләр өчен дә бик күп җылы сүзләр һәм котлаулар яңгырады. Сәхнәдә иҗади гаиләләр: әтиләр, әниләр, балалар, абыйлар һәм апалар чыгыш ясадылар, гаилә, әниләр турында матур җырлар башкардылар, шулай итеп залдагыларның күңелләрен күтәрделәр. Шулай ук шигырьләр, яраткан әниләргә рәхмәт сүзләре яңгырады. Катнашучылар татар халык һәм төрле халыкларның биюләрен тәкъдим иттеләр. Кич җылы, уңайлы атмосферада үтте. Катнашучылар бүләкләр һәм яхшы кәеф белән таралды