Сәрдә авыл клубында Өлкәннәр көненә багышланган бәйрәм

2024 елның 7 октябре, дүшәмбе

2 октябрь көнне Сәрдә авыл клубында "Мәңге яшь күңел"дигән чәй эчү программасы оештырылды. Бу бәйрәм лаеклы, зирәк, олы яшьтәгеләргә багышланган иде. Авыл мәдәният йорты мөдире Ландыш Раифовна җылы котлау сүзләре, сәламәтлек, озын гомер теләкләрен җиткерде. Бәйрәм "Акчарлак"Сәрдә балалар бакчасы белән берлектә әзерләнгән концерт номерлары белән үрелеп барды. Кунаклар шатланып уеннарда, конкурсларда катнаштылар, төрле темаларга актив аралаштылар, яшьлек хатирәләренә чумдылар, гармун һәм тальян моңы астында халык җырларын башкардылар. Шуның белән тормышның дәвам итүен һәм теләсә кайсы яшьтә аның гүзәл һәм кызыклы булуын тагын бер кат исбатладылар. Өлкәннәр күтәренке кәеф, истәлекле бүләкләр белән таралыштылар.