"Психик тайпылышлары булган гражданнар өчен билгеләнгән Югары Отар балалар интернат-йорты" ДКУда Россия Федерациясе Гражданнар оборонасы көненә багышланган мәгълүмат сәгате

Россия Федерациясе Гражданнар оборонасы көне алдыннан Югары Отар балалар интернат-йортында «ТР Янгын күзәтчелеге»ТР Дәүләт казна учреждениесенең Саба отрядының Шәмәрдән авылын саклау буенча аерым пост хезмәткәрләре белән мәгълүмати сәгать узды. Очрашу барышында кунаклар тәрбияләнүчеләргә диспетчерга килеп чыккан янгын турында мәгълүматны ничек дөрес итеп тапшырырга кирәклеге турында сөйләделәр, янгын куркынычсызлыгы кагыйдәләрен искә төшерделәр. Гражданнар оборонасы буенча җаваплы Хәбибуллина Г.Р. учреждениедә тәрбияләнүчеләргә һәм хезмәткәрләргә гражданнар оборонасының максатлары һәм бурычлары турында сөйләде. Балалар шулай ук халыкны гадәттән тыш хәлләрдән саклау буенча гражданнар оборонасының төп бурычлары, гадәттән тыш хәлләр килеп чыккан очракта эш итү тәртибе, саклану ысуллары һәм чаралары, гражданнар оборонасы сигналлары турында белделәр, алынган мәгълүматны «Гражданнар оборонасы турында» презентация карау аша ныгыттылар. Чара ахырында балалар белән ашыгыч ярдәм күрсәтү хезмәтләренең номерларын кабатладылар. Мондый дәресләр балаларның белемнәрен тирәнәйтергә, аларны кисәтергә, димәк, балигъ булмаганнар катнашында һәлакәтләр килеп чыгуны булдырмаска, аларның гомерен һәм сәламәтлеген саклап калырга мөмкинлек бирә.