Татарстан Республикасы Яшьләр эшләре министрлыгының яшьләр сәясәте учрежденияләре арасында грантлар конкурсында, "Яшьлек" яшьләр үзәге, "Гаилә җылысы" проекты белән 960 мең сумлык грант откан иде.

2024 елның 28 июне, җомга

Татарстан Республикасы Яшьләр эшләре министрлыгының яшьләр сәясәте учрежденияләре арасында грантлар конкурсында, "Яшьлек" яшьләр үзәге, "Гаилә җылысы" проекты белән 960 мең сумлык грант откан иде. Әлеге грант кысаларында, 28 нче июнь көнне, районыбызның "Сабантуй" ял һәм күңел ачу комплексында, гаилә елы һәм яшьләр көне уңаеннан яшь гаиләләр өчен  бәйрәм узды.

Әлеге чарада гаиләләр өчен "Лазертаг" уены  һәм күңелле стартлар оештырылды. Бу уеннар гаиләләр арасында дуслыкны ныгытты, гаиләләрне көндәлек мәшәкатьләрдән арындырып, бераз ял иттерде.

Чара яшьләр эшләре министрлыгы  һәм район хакимияте матди ярдәме белән үткәрелде.