«Югары Утар психик тайпылышлары булган гражданнар өчен балалар интернат йорты» дәүләт казна учреждениесендә санитар-экологик икеайлыгы.

Табигать әкренләп уяна, безне яшел буяулар белән сөендерә һәм без аңа җавап кайтара алабыз. 4 апрельдә «Югары Утар психик тайпылышлары булган гражданнар өчен балалар интернат йорты» дәүләт казна учреждениесе хезмәткәрләре 1 нче апрельдән 31 нче майга кадәр Татарстан Республикасында башланган санитар-экологик икеайлык кысаларында учреждение территориясендә кар тарату буенча эшләр үткәрделәр. Бу нәрсә өчен кирәк соң? Карны тарату, эретү процессын тизләтә һәм дымны тоткарламаска, ә шунда ук туфракка китәргә мөмкинлек бирә. Кар тизрәк эри, чын яз тизрәк килә.