Лесхоз мәдәният йортында бәйрәм кичәсе
26 ноябрьдә Лесхоз мәдәният йорты хезмәткәрләре Әниләр көненә багышланган концерт оештырдылар һәм үткәрделәр. Барлык концерт номерлары мәхәббәт һәм наз хисе белән башкарыла. Сәхнәдә яңа талантларны, яңа башкаручыларны күрү бик күңелле булды. Әниләргә җылы сүзләр һәм яхшы теләкләр, күңелгә үтеп керерлек шигырьләр, лирик һәм күңелле җырлар яңгырады. Яшь артистлар дәртле биюләр башкардылар. Әниләр балаларының чыгышларын сокланып карадылар һәм чын күңелдән шатландылар. Һәр чыгыштан соң көчле алкышлар тынмады. Тамашачылар искиткеч кәеф, уңай эмоцияләр һәм уңай заряд белән безнең залдан чыгып киттеләр. Бу бәйрәм һәр тамашачының күңелендә бүгенге көн турында җылылык һәм яхшы истәлекләр калдырды. Концерт программасы якты, тамашалы һәм истә калырлык булып чыкты.