"Шәһри Казан" газетасы журналисты Шекше авыл җирлеге халкы белән очрашты
"Шәһри Казан" газетасы журналисты Шекше авыл җирлеге халкы белән очрашты
24 июльдә Шекше һәм Алан - Елга авылларында республика газетасы журналисты Рәсимә Галиева булды. Ул эшмәкәрләр Рәмис Фазылов, Ришат Зиннәтов һәм Тәлгать Хуҗин белән очрашты, алар журналист белән авылда бизнес алып бару серләре белән уртаклаштылар. Шуннан соң Шикше урта гомуми белем бирү мәктәбендә эшләүче укытучылар Зәйнәгиевлар, Ханнановлар һәм Әмиров династияләре белән очрашу булды, моннан тыш, Рәсимә Галиева, Гөлгенә Габделхакова җитәкчелегендәге мәктәп музеена да юл тоттылар. Журналист "Игенче" ҖЧҖ хезмәткәрләре гаиләсе белән бик кызыксынды, Илнар һәм Рузия Хөсәеновлар гаиләсендә кунакта булды, алар эштә генә түгел, ә чаңгы спорты белән дә актив шөгыльләнәләр. Авылның хәзерге чынбарлыгында бик күп гадәти булмаган кешеләрне очратырга мөмкин, мәсәлән, Халит һәм Хадия Гатиятуллиннар социаль челтәрләр аша авыл тормышы турында сөйлиләр, алар журналист белән хәзерге кешене борчыган төрле темаларга рәхәтләнеп аралаштылар. Моннан тыш, Рәсимә Галиева "Зиләйлүк" фольклор коллективы белән танышты, алар һәрвакыт призлы урыннарны биләп, авылны төрле фестивальләрдә һәм конкурсларда актив алга этәрәләр. Очрашуларны җирлек башлыгы катнашында филиал мөдире оештырды.