ЯҢАЛЫКЛАР
Югары Шытсу авылында яшәүче Хайруллиннар хуҗалыгы "Чәчәкле Саба-2024" конкурсында 3 нче урынга лаек булдылар. Чын күңелдән котлыйбыз!
2 сентябрь көнне ПМК эшчеләре Сатыш авылы мәдрәсә музеенда төзекләндерү эшләре алып бардылар.
Түбән Шытсу төп мәктәбендә белем көне билгеләп үтелде. Яңа уку елында мәктәптә барлыгы 54 бала белем һәм тәрбия алачак. Тәүге мәртәбә мәктәп ишекләрен 4 бала ачып керде. Укучыларны, әти-әниләрне, укытучыларны "Сабыгаз" оешмасы җитәкчесе Мөхетдинов И.И., "СХП Шытсу" авыл хуҗалыгы җитәкчесе Галлямов Ф.Ф., авыл җирлеге башлыгы котлады.
Саба урман хуҗалыгы тарихы музеенда Кукмара районы мәктәбе укучылары кунак булды. Музей территориясенә кергәндә үк, балалар үзләрен каршы алучы пушка макетына игътибар иттеләр. Ул истәлекле бүләк булып тора. Аларга музей экспозицияләре буенча мавыктыргыч экскурсия үткәрелде һәм аларны киләчәктә дә урман хуҗалыгы тарихын өйрәнергә дәртләндереп җибәрде.
Түбән Шытсу авылында территория корган агачлардан, чүп үләннәреннән арындырылды.
Бүген районыбыз мәктәпләрендә яңа уку елына старт бирелде.
Түбән Шытсуда арендалы торак төзелеше башланды. ПМК-159 ҖЧҖ фундамент эшләрен башлады.
Саба урман хуҗалыгы тарихы музеена Югары Шытсу авылыннан кунаклар килде. Алар өчен музей буйлап күңелле генә экскурсия оештырылды, үзләрен кызыксындырган сорауларны бирделәр. Аннары музейның өченче бүлеге белән танышу өчен икенче катка менделәр. “Хайваннар дөньясы” бүлеге аларда аеруча соклану һәм гаҗәпләнү хисләрен уятты.
Республика көненә багышлап Олы Кибәче авыл җирлегендә балалар арасында велосипед ярышы оештырылды. Ярышта Мөхәммәтшин Сәид җиңүче булды. Катнашучыларга бүләкләр һәм грамоталар тапшырылды.
Түбән Шытсу авыл җирлегендә чүп үләннәрен чабу эше башкарылды.