ЯҢАЛЫКЛАР

Дәүләт бәйрәме 1992 елдан башлап ел саен 12 июньдә, 1990 елның 12 июнендә РСФСРның дәүләт суверенитеты турында Декларация кабул ителгән көннән башлап билгеләп үтелә. Бу уңайдан Евлаштау урта гомуми белем бирү мәктәбенең мәктәп яны лагереның бер көне шушы бәйрәмгә багышланды. Көн асфальтта рәсемнәр конкурсы белән тәмамланды

       11 июнь көнне Иләбәр  авылы янында  узган Сабантуй  быел да  гөрләп  үтте. Бәйрәм –“Игенче” ҖЧҖе көче һәм тырышлыгы белән оештырылды. Алдагы еллардагы кебек үк, бик күп кунаклар җыйды, бай һәм грандиоз булды. Сабантуй югары дәрәҗәдә узды, оештыру чараларының барлык нечкәлекләре дә исәпкә алынды. Мәйдан кунаклар, спорт чаралары, балалар Сабантуе өчен барлык уңайлыклар белән тулысынча җиһазландырылды. Төрле аттракционнар корылды,сату өчен урыннар булдырылды.

    2023 елның 1 июленнән милеккә һәм НДФЛГА салымнар буенча бурычларны түләү турында салым хәбәр итүләрен һәм таләпләрен дәүләт һәм муниципаль хезмәтләрнең бердәм порталында (ЕПГУ) дәүләт хезмәтләре порталында Шәхси кабинет аша алырга мөмкин.

Теләсә кайсы төбәкнең консолидацияләнгән бюджетының иң мөһим керем чыганагы булып физик затларның керемнәренә салым тора. Социаль-икътисади программаларны финанслау һәм гамәлгә ашыру бюджетка салымның вакытында һәм тулысы белән керүенә бәйле.

Футбол уены спорт осталыгын гына арттырып калмыйча, көндәлек эшчәнлектә бик кирәкле булган реакция тизлеген дә үстерә. Финанс-бюджет палатасы егетләре футбол кырында район администрациясе командасы егетләре белән очраштылар. Уеннар «Олимп» стадионында узды. Уен кызыклы эмоциональ дәрәҗәдә барды, Кәеф тә күтәренке иде. Соңгы минутта гына безнең команда көндәшләренә җиңелде, уен җиңелү белән тәмамланды. 

   Балаларның Кояш, аның төп функцияләре турында күзаллаулар формалаштыру максатыннан МБМБУ Саба 1нче “Шатлык” балалар бакчасында 13-16 июнь көннәрендә «Кояш-тормыш чыганагы» атналыгы үтә.

"Хезмәткә һәм оборонага әзер" Бөтенроссия физкультура-спорт комплексы билгеләре белән бүләкләү.

ГТО ВФСК нормативлары комплексын үтәү

13-17 июнь көннәрендә Байлар Сабасында (Татарстан Республикасы) Бөтенроссия спорт федерациясе призларына терәк-хәрәкәт зарарланган кешеләр арасында өстәл теннисы буенча ачык Бөтенроссия балалар-яшүсмерләр ярышлары уза. 

Турнирда Санкт-Петербург шәһәреннән, Татарстан Республикасыннан һәм Адыгеядән, Воронеж, Әстерхан һәм Архангельск өлкәләреннән 10 яшьтән 21 яшькә кадәрге 25 спортчы катнаша. 

14 июньдә ярышларны тантаналы рәвештә ачу тантанасы булды. Анда Татарстан Республикасы Саба муниципаль районы җирле хакимиятнең башкарма органы яшьләр һәм спорт бүлеге башлыгы Ирек Гарипов, РСАШ директоры урынбасары Луиза Оруджева һәм өстәл теннисы буенча тренер-укытучы, Татарстан Республикасының атказанган физкультура хезмәткәре Фәрход Исмаилов катнашты. 

15 июньдә шәхси разрядта финал очрашулары узачак. 

17 июньдә парлы разрядта призлы урыннар өчен матчлар узачак. 

Шулай ук ярышлар кысаларында Федерация тренерлар һәм спортчылар өчен допингка каршы семинар үтте. 

            Лесхоз өлкәннәр һәм инвалидлар өчен интернат-йортта социаль хезмәтләр алучылар Ермолаева Светлана һәм Заһидуллин Рөстәм җиңел атлетика буенча район чемпионатында катнаштылар. Ярышларның төрле юнәлешләре буенча беренче һәм икенче урыннарны алдылар.