ЯҢАЛЫКЛАР
Район күләмендә 6-8 сыйныф егетләре командасы арасында үткәрелүче мини-футбол ярышында Тимершык урта мәктәбе укучылары 2 урынга лаек булдылар. Афәрин! Котлыйбыз!
Ике басу Арташ мәдәният йорты Яңа ел бәйрәменә чакырып кала.
Тимершык авыл җирлеге территориясендә эшләп килүче оешмаларда яңа ел бәйрәменә әзерлек максатында стена газеталары чыгарылды, кар сыннары ясалды, чыршылар бизәлде. Бакча, мәктәпләрдә яңа ел маскарадлары гөрләп узды. Балаларга һәм укучыларга күчтәнәчләр таратылды.
26 декабрь балалар сәнгать мәктәбенең Шәмәрдән филиалы укучылары өчен Шәмәрдән мәдәният йорты хезмәткәрләре катнашында "Яңа ел бәйрәме" үткәрелде. Матур итеп бизәлгән зал, балаларның якты музыкаль чыгышлары яңа ел алдыннан могҗиза һәм шатлык көтү атмосферасын тудырды! Кыш бабай һәм Кар кызы балалар белән чыршы тирәли әйләнеп, уеннар уйнадылар, табышмаклар әйтешеп, чыршы янында балалар шигырьләр укыдылар.
Якынлашып килүче Яңа ел бәйрәме уңаеннан бертуган Айдар һәм Айнур Мостафиннар авыр тормыш хәлендәге ятим балаларны бүләкләр белән сөендерделәр, аларны әтиләре яки әниләре генә тәрбияли. Айдар Ибраһимович аларга яхшы укуларын һәм әти-әниләрен тыңлауларын теләде.
23нче декабрь көнне балалар бакчасында - Яңа ел бәйрәме булып узды.
23 декабрьдә Иске Икшермә мәдәният йортында Зөлфия һәм Җәвит Шакировларның концерты булды
Саба муниципаль районы халкын социаль яклау бүлеге, инвалидлар җәмгыяте һәм мәдәният бүлеге белән берлектә, 18 яшькә кадәрге инвалид балаларга, инвалидлар декадасын бәйрәм итү кысаларында, иганәчеләр белән берлектә, бүләк сертификатлары таратты. Барыгызны да якынлашып килүче Яңа ел белән котлыйбыз, сәламәтлек телибез.
Балаларыбыз өчен бәйрәм рухы һәм уңай эмоцияләр булдыру максатыннан, Югары Симет балалар бакчасы һәм Түбән Симет филиалы хезмәткәрләре көче белән кар фигуралары ясалды, бакча биләмәсе бизәлде.