ЯҢАЛЫКЛАР
Татарстанда 2023 елны милли мәдәниятләр һәм гореф-гадәтләр елы дип игълан итү турындагы карар республиканың үзенчәлеген саклауда зур әһәмияткә ия. Бу республика халкы өчен барлык милләт кешеләре өчен дә мөһим. Юлбат мәдәният йортының китапханәсендә ел дәвамында "Халкыбызның күңел җәүһәрләре" күргәзмәсе эшләячәк, анда татар халкының гореф-гадәтләрен чагылдырган халык иҗаты, кул эшләре тәкъдим ителәчәк.
Юлбат мәдәният йорты һәм китапханә хезмәткәрләре «Ак калфак» клубы әгъзаләре белән «Халкымның күңел бизәкләре» дип исемләнгән кич утыру оештырылды. Кул эшләре-ул иҗат, фантазия ачышы, башкаручының осталыгы. Һәр башкарылган әйбергә аның энергиясе, җан һәм йөрәкнең бер өлеше салына. Катнашучылар барлык теләүчеләрне дә кул эшләре осталыгына өйрәтәтергә әзер.. Бүген «Ак калфак» клубында катнашучының кул эшләре белән таныштык.
Шәмәрдән балалар китапханәсендә «Могҗизалар остаханәсе» проекты кысаларында кипкән яфракларны һәм чәчәкләрне ламинацияләү юлы белән китап кыстыргычлары ясау буенча мастер – класс узды. Чарага оста буларак Юнысова Алсу Камил кызы чакырылган иде.
Китап кыстыргычы – кечкенә булса да, бик файдалы әйбер. Аның ярдәмендә китапларны уку һәм аларда кирәкле битне табу уңайлырак. Балалар китапханәсе мөдире Гәлиәкбәрова Р.Х. чарада катнашучыларга китаплар һәм дәреслекләр укучыларның даими юлдашлары булуын, шуңа күрә аларга сакчыл караш кирәклеге турында искәртте.
Кыстыргыч ясау барышында балалар бик тырыштылар, китап кыстыргычлары бик матур булып чыкты.
Әлеге чара китапларга сакчыл караш хисе тәрбияләү максаты белән үткәрелде.
26 гыйнвар көнне Килдебәк авыл китапханәчесе, мәдәният йорты хезмәткәрләре белән берлектә, Татарстанда милли мәдәниятләр һәм гореф-гадәтләр елы кысаларында, «Халкымның күңел бизәкләре» исемле музыкаль программа уздырдылар
2023 елның 29 гыйнварында Казан шәһәрендә 20 яшькә кадәрге яшүсмерләр арасында фехтование буенча Татарстан Республикасы Беренчелеге узды. Хәлиуллин Разил «Татарстан 3» командасы составында Татарстанның көмеш чемпионы булды. Камолов Камол шәхси разрядта 3 урынны алды. Җиңүчеләрне һәм тренер Шагиева Эльвира Ханиповнаны уңышлы чыгышлары белән котлыйбыз, алга таба да җиңүләр телибез!
29 гыйнвар, Саба - Аренада бадминтон буенча традицион якшәмбе турниры узды.
Турнирда Балтач районы вәкилләре катнашты.
А Төркеме
1 урын Хәбиев Илшат (Балтач)
2 урын Әхмәтшина Самина (Саба)
3 урын Рәхимов Адель (Саба)
В Төркеме
1 урын Хөснетдинова Энҗе (Балтач)
2 урын Закиров Самир (Саба)
3 урын Борһанова Алсу (Саба)
С Төркеме
1 урын Шакирова Назлыгөл (Саба)
2 урын Хуҗин Вилдан (Саба)
3 урын Байтурина Залина
(Саба)
Барлык җиңүчеләр дә дипломнар алдылар, ә барлык катнашучылар да турнир спонсорларыннан татлы призлар алдылар.
Хөрмәтле гражданнар! «Татарстан Республикасының Гидрометеорология һәм әйләнә-тирәлеккә мониторинг идарәсе» фдбудан керде:
Консультация-кисәтү метеорологик күренешнең интенсивлыгы турында
29 гыйнварда 18 сәгатьтән 10 сәгатькә кадәр. 2023 елның 30 гыйнвары
2023 елның 30 гыйнварында төнлә һәм иртән Татарстан Республикасы территориясендә урыны белән томан көтелә.
Пүкәл авыл клубында "Студент көнен" билгеләп үттеләр.
24-28 гыйнварда Кстов шәһәрендә Халыкара спорт академиясе базасында өстәл теннисы буенча
2012-2015 елгы малайлар һәм кызлар арасында «Россия өметләре»төбәкара турниры узды.
Ярышларда 176 кыз һәм 184 малай катнашты. Турнирда безнең спортчылар да катнашты.
Иң югары нәтиҗәне Латыйпов Илсаф икенче финалга узып күрсәтте.
27 нче гыйнвар - илебездә хәрби дан көне - Ленинград блокадасын тулысынча өзү көне буларак билгеләп үтелә. 872 көн буена дәвам иткән әлеге камалышның кайтавазы бүген дә онытылмый. Шул уңайдан Эзмә урта мәктәбендә “Блокада карлыгачы” дип аталган патриотик акция уздырылды.
Иләбәр "Умырзая" балалар бакчасында тәрбияләнүче зурлар төркеме балалары атналык теманы йомгаклап, "Йомры күмәч" әкияте сәхнәләштерделәр. Йомры күмәчне җәнлекләргә бирмичә, әби белән бабайга алып кайтып тапшырдылар.