ЯҢАЛЫКЛАР
Мөмкинлекләр фестивале-киләчәкне булдыру өчен кешеләрне, идеяләрне һәм технологияләрне берләштерүче якты вакыйга! 17 апрельдә Саба муниципаль районында «Татарстан Республикасы Саба муниципаль районының Саба урта гомуми белем бирү мәктәбе» базасында III Республика «Мөмкинлекләр фестивале» узды, анда инвалидлыкның авыр формалары һәм менталь тайпылышлары булган кешеләр катнашты.
Санитар-экологик икеайлык кысаларында Сатыш авыл җирлегендәге оешма-предприятиеләрдә, шәхси хуҗалыкларда, урамнарда, чишмәләрдә тирә-якны чүпләрдән чистарту максатыннан өмәләр башланды. Җыештыру эшләрендә җирлек халкы зур теләк белдереп актив катнаша.
19 апрель-совет халкының геноцидын искә алу көне. Бу фаҗигале дата алдыннан Ш.З. Зиннурова исемендәге Сатыш урта мәктәбендә укучылар белән "Йөрәктә хәтер" дип исемләнгән чара үтте. «Йөрәктә хәтер» - үткәнгә хөрмәт күрсәтү генә түгел, ә тарих онытылмаска, Бөек батырлыкка кагылырга, аның әһәмиятен аңларга һәм геройлар турындагы истәлекне үз йөрәгеңдә сакларга тиеш дигән мөһим искәртмә дә ул.
2026 елның 13 апрелендә Саба муниципаль район Советының чираттагы утырышы утте.Җыелышта Саба муниципаль районының 2025елгы бюджеты үтәлеше каралды. Докладны Финанс бюджет палатасы председателе Ш. А.Сунгатов укыды.
Туган авылыңны һәм нәсел шәҗәрәңне өйрәнү тормышта иң мөһим адымнарның берсе булып тора. Бу туган як һәм аның бай мирасын аңларга ярдәм итә. Сатыш авылы мәдрәсә музеенда “Туган якны өйрәнүчеләр” утырышында Олы Шыңар авылыннан туган авылы тарихын һәм үзенең нәсел шәҗәрәсен өйрәнүче Фәннур Әхсән улы Галимов белән очрашу оештырылды.
14 апрель көнне Сатыш авылында "Беренчеләр хәрәкәте"нең Явлаштау беренчел бүлеге активистлары белән очрашу булды. Очрашу барышында активистлар Сатыш авылында һәлак булган сугышчыларга куелган обелискны чистарттылар, яр буена агачлар утырттылар. Сатыш авыл җирлеге башлыгы Ф. Ф. Шәфигуллин балаларга җылы теләкләрен җиткерде.
2026 елның 11 апрелендә Әлмәт шәһәрендә 2012-2019 елгы спортчылар арасында «Космонавтика көненә» багышланган йөзү буенча Әлмәт шәһәре беренчелеге узды .
2026 елның 11 апрелендә Мамадыш районының Яңа Тәкәнеш авылында 2012 елгы яшүсмерләр арасында, «РМ АГРО» нын призына, Россия халыклары бердәмлеге елын ачуга һәм Татарстан Республикасының хәрби һәм хезмәт батырлыгы елына багышланган көрәш буенча ачык турнир узды.
Яз җитү белән Курсабаш авыл җирлегендә төбәк юлларының юл кырыйларын чүп-чардан чистарту буенча өмәләр үткәрелә. Өмә барышында пакетлар, шешәләр һәм башка чүп-чар җыелды. Әйләнә — тирә мохиткә сакчыл караш-ул безнең уртак бурычыбыз һәм уңайлы тормыш нигезе. Без бит монда яшибез, бу район — Безнең йортыбыз! Әйләнә-тирәбездә тәртип һәм матурлыкны саклыйк!
Курсабаш" ҖЧҖ командасы 2026 елгы хезмәт коллективларының ир-атлар командалары арасында волейбол буенча Саба районы чемпионатында 1 нче урынны яулады. Бу авылда яшәүчеләрнең спорт активлыгының югары дәрәҗәдә булуын һәм җирле хакимиятнең халык арасында массакүләм спортны үстерүгә ярдәм итүен күрсәтә. Волейбол уеннарны оештыру җиңеллеге аркасында популяр спорт төре булып тора. Ул яшьләрнең сәламәтлеген ныгытуга, команда рухын үстерүгә һәм сәламәт яшәү рәвешен формалаштыруга ярдәм итә.Шулай итеп, "Курсабаш" командасы волейбол уенын популярлаштыруда мөһим роль уйный.