ЯҢАЛЫКЛАР
Татарстан Республикасы көне — 30 август уңаеннан Байлар Сабасында патриотик акция узды! Гаилә белән эшләү буенча белгеч Нәгыймова Миләүшә Сәмиулла кызы «беренчеләр хәрәкәте» волонтерлары белән берлектә бистә урамнарына чыгып, халыкка бәйрәм кәефе бүләк иттеләр. Алар бергәләп триколор төсләрендәге тасмалар тараттылар — республикабыз тарихына һәм традицияләренә хөрмәт символы буларак. Мондый чаралар туган як өчен бердәмлек һәм горурлык хисен ныгытырга, яшьләрне социаль әһәмияткә җәлеп итәргә ярдәм итә.
2022 елның 6 ноябрендә Татарстан Республикасы Хезмәт, халыкны эш белән тәэмин итү һәм социаль яклау министры Эльмира Әмир кызы Зарипова эш визиты белән Саба муниципаль районында булды. Социаль ярдәмгә кагылышлы район халкының шәхси сораулары буенча гражданнарны кабул итте. Гражданнарның барлык мөрәҗәгатьләре һәм үтенечләре игътибар белән тыңланды, өйрәнелде, һәр мәсьәлә буенча консультацияләр, тулы җаваплар бирелде.
Эшлекле киңәшмә социаль өлкә, сәламәтлек саклау һәм мәгариф өлкәсе җитәкчеләре катнашында узды. Очрашуда шулай ук Башкарма комитет Җитәкчесе урынбасары – Саба муниципаль районы Башкарма комитеты Аппараты җитәкчесе М. Р. Кәримов катнашты.