ЯҢАЛЫКЛАР

Шугалак-балалар һәм өлкәннәр өчен бик яхшы күңел ачу чарасы. Монда алар үзләренең энергиясен сарыф итә, физик формасын күтәрә һәм күңел ача ала. Шул максаттан 28 мартта безнең приютта тәрбияләнүчеләр Теләче авылындагы "Олимп" боз сараенда булдылар. Балалар күңелле  итеп һәм шатланып шудылар. Алар күңел күтәренкелеге, якты тәэсирләр һәм ләззәтләр алып кайттылар.

26 мартта, изге Рамазан аенда, безнең приютта ифтар мәҗлесе узды,аны безнең хәйриячеләр һәм приют коллективы оештырды. Ифтарга Рәфыйк хәзрәт, приютның элеккеге җитәкчесе А. Н.Сабитов, иганәчеләр,пенсионерлар, коллектив һәм приютта тәрбияләнүчеләр чакырылган иде. Безнең чараның максаты - балаларны татар мәдәниятенә тарту иде. Ифтар күңелле, дустанә, җылы һәм өйдәгечә уңайлы атмосферада узды.

         22 март көнне "Тургай" приютында гипс нигезендә текстурлы пасталы "Воздушный шар"картиналарын ясау буенча мастер-класс узды. Безнең тәрбияләнүчеләр өчен мастер - классны төбәк иҗтимагый оешмасы активистлары, Саба районы якташлары» оештырып  үткәрде.  Бөтен чара дуслык һәм мәхәббәт атмосферасында узды. Балалар бер-берсенә ярдәм итәргә тырыштылар һәм бик матур картиналар килеп чыкты. Кунаклар шулай ук бүләкләр алып килделәр һәм балаларыбызга бүләк иттеләр. РОО иганәчеләребезгә, «Саба районы якташлары " на  приютыбыз үсешенә бәяләп бетергесез өлеш керткәннәре өчен зур рәхмәт!

Приютта тәрбияләнучебез  Сафиуллина Гүзәл XII Регионара “Туган телем - серле тел” конкурсында “Тик булса да ирек!” номинациясендә катнашты. Конкурс нәтиҗәләре буенча ул II дәрәҗә дипломга лаек булды. Җиңүегез белән котлыйбыз һәм киләчәктә дә уңышлар телибез!

8 мартта "Тургай" приютында Халыкара хатын-кызлар көненә багышланган "Дөньядагы иң гүзәл"исемле бәйрәм концерты булды. Якты, эмоциональ, иҗади номерлар барлык катнашучыларга бик күп күңелле һәм уңай эмоцияләр бүләк итте. Барлык хатын-кызларны 8 Март Халыкара хатын-кызлар көне белән чын күңелдән котлыйбыз! Тормыш күп бәхетле мизгелләр, шатлыклы минутлар, күңелле тәэсирләр бүләк итсен, балаларның уңышлары гел сөендерсен!

1 март көнне безнең «Тургай» приютында аниматорлар белән күңел ачу-уен программасы узды. Чара барышында балалар күңелле һәм дустанә атмосферага чумдылар. Алар кызыксынып һәм дәртләнеп сорауларга җавап бирделәр, шаян табышмакларга җавап бирделәр. Конкурслар күңелле һәм мавыктыргыч узды. Бу көнне битараф һәм пассив егетләр булмады, барысы да бик теләп уеннарга кушылды. Күңел ачу, көлү һәм яхшы кәеф атмосферасы хөкем сөрә иде. Иганәчебезгә ярдәме өчен зур рәхмәтебезне белдерәбез. Аңа эшегездә уңышлар һәм сәламәтлек телибез.

Безнең яшьләр -  Тургай волонтерлары " изге эшләрен дәвам итәләр. Шул уңайдан без, 20 февральдә "Мәрхәмәтле йөрәк" акциясе кысаларында  «Гаилә бергә"дип исемләнгән ХФ ярдәме белән  «Йорттан еракта булган йорт» дип аталган кунакханәдә булдык. Бу йортта балалар әти-әниләре белән яши һәм авырудан соң химиотерапия һәм тернәкләндерү уза. Хәйрияче Юрий Викторович Золотарев ярдәме белән без тәрбияләнүчеләр белән сувенир сабын һәм беләзек-амулетлар ясау буенча мастер - класслар оештырдык. Мастер-класслар узганнан соң барлык катнашучыларга истәлеккә искиткеч йомшак уенчыклар тапшырылды. “Гаилә бергә "  дип исемләнгән хәйрия фонды директоры, Юлия Марковага волонтерлык эшчәнлегебезне оештыру мөмкинлеге  биргәне өчен рәхмәтебезне белдерәбез, эшләрендә уңышлар һәм чәчәк ату телибез. Шулай ук хәйрияче Юрий Викторович Золотаревка чараны оештыруда ярдәм иткәне һәм приютның “Игелекле йөрәк".акциясендә катнашканы өчен рәхмәт сүзләре белдерәбез

8 декабрьдә безнең «Тургай» приютында продюсер Җәүдәт Гыйльманов җитәкчелегендә  «Май» төркеме концерты булды. Балаларыбыз татар һәм рус телләрендә башкарылган җырларны сокланып тыңладылар. Тәрбияләнүчеләр чын күңелдән җырчыларга уңай хис-кичерешләр һәм яхшы кәеф алган концертлары өчен рәхмәт белдерделәр.

Календарьда матур һәм якты бәйрәм бар, һәм шуларның берсе ноябрьнең соңгы якшәмбесендә билгеләп үтелә. Бу бәйрәм әниләргә багышлана, шуңа күрә "Әниләр көне"дип атала да. 22 ноябрь көнне безнең приютта "Минем Әнием "дигән күңелне нечкәртә торган һәм шул ук вакытта шатлыклы чара узды. Бәйрәмдә тәрбияләнүчеләрнең әниләре дә катнашты. Балалар җырлар җырладылар, биеделәр, матур шигырьләр сөйләделәр, әниләре белән төрле бәйгеләрдә катнаштылар. Тәрбияләнүчеләребез башкаруында Әни турында шигырьләр һәм җырлар аеруча дулкынландыргыч яңгырады. Чара тәмамлангач, балалар үз куллары белән ясаган открыткалар бүләк иттеләр.

Безнең приютта махсус хәрби операциядә катнашучыларның гаиләләре белән очрашу атналыгы уза.Шул уңайдан 21 ноябрьдә безнең "Тургай" приютында махсус хәрби операциядә катнашучы Шакировлар гаиләсе катнашында " Махсус хәрби операциядә катнашучылар-безнең заман геройлары" исемле уен - викторина узды. Чараның беренче өлеше уен-викторина кебек узды, анда балалар һәм кунаклар сорауларга җавап бирделәр. Ә икенче өлештә сүзне кунакларга бирдек. Туганнары сөйләгәннәрдән балалар Ватаныбызны саклаучыларның,без заман геройлары дип атаган кешеләрнең, батырлыклары турында белделәр. Чара барышында авылдашларыбыз - Украинадагы махсус хәрби операциядә катнашучылары турында презентация күрсәтелде. Чара азагында балалар шигырьләр укыдылар һәм солдат туганнарына үз куллары белән ясаган бүләкләр бүләк иттеләр.