ЯҢАЛЫКЛАР
Саба муниципаль районының Курсабаш авыл җирлеге республика смотр-конкурсында җиңүче булды.
«Казан Экспо» Халыкара күргәзмә үзәге мәйданчыгында Татарстан рәисе Рөстәм Миңнеханов муниципаль берәмлекләр арасында республика смотр-конкурсында җиңүчеләргә яңа автомобиль ачкычлары тапшырды.
2 сентябрь көнне "Сәламәтлек мөмкинлекләре чикләнгән балалар өчен Корсабаш мәктәп-интернаты" дәүләт бюджет гомуми белем бирү учреждениесендә “Белем көне”нә багышланган тантаналы линейка узды. Быел беренче сыйныфка 3 укучы килде. Тантаналы линейкада укучыларның ата-аналары , авыл җирлеге учреждениеләре җитәкчеләре һәм район вәкилләре катнашты. Алар барысы да укучыларны яңа уку елы белән котладылар һәм укуларында уңышлар теләделәр.
3 нче сентябрь көнне Курсабаш авыл китапханәсе мөдире Галимҗанова Ф.Н. "Дулкын" телерадиокомпаниясендә "Китапханәче сүзе" тапшыруында чыгыш ясады. Тапшыру башында китапханәче китапханәнең бүгенге көндә яшәеше, аның эше белән таныштырды. Шәхесләр елы уңаеннан, Түбән Утар авылында туып үскән Татарстанның атказанган артисты Энҗе Шаймурзина турында мәгьлүмат бирелде. "Яңа китаплар белән таныштыру" сәхифәсендә китапханә мөдире Фәнис Яруллинның "Кайту" дигән китабы белән таныштырды. Гаилә елы уңаеннан тапшыруга актив, үрнәк, гомерләрен балалар укытуга багышлаган гаиләләрнең берсе булган Шаймурзиннар гаиләсе чакырылды. Алар кыскача үзләренең тормышлары, эшләре белән таныштырып үттеләр. Гармун моңнарына төреп, үзләренең матур теләкләрен җиткерделәр.
24 август көнне Сүлә авыл клубында Курсабаш, Эзмә, Түбән Утар авыл клублары, Курсабаш китапханәсе белгечләре һәм үзешчән сәнгать осталары белән берлектә зур бәйрәм - авылдашларыбызның "Бер күрешү үзе бер гомер"дигән очрашуы үткәрелде.Яшебез безне туган җиребезгә, балачак яшәгән җиребезгә тарта. Бу еллар кеше тормышында иң күңелле еллар. Язмыш безне кая гына илтмәсен, без үзебезнең кече Ватаныбызны һәрвакыт хәтерлибез! Безнең кечкенә авылдан килгән кунаклар бик күп иде. Авылдашлар көче белән бәйрәм өстәле әзерләнде. Бәйрәм дәвамында күңелгә хуш килгән матур җырлар яңгырады. Балалар һәм өлкәннәр өчен төрле конкурслар үткәрелде. Иске дуслар һәм авылдашлар кичәсе бик күңелле үтте, күңелле тәэсирләр калдырды!
Курсабаш авылында яшәүче Мөдәрис һәм Рәзилә Әхмәтҗанова гаиләсе үз территорияләрен чәчәкләр утыртып бизилэр. Бу чәчәкләр һәркемне гаҗәеп матурлыгы белән сөендерә. Матурлык һәр кешегә кирәк.
Концерт барышында матур җырлар яңгырады, халык уеннары уйнатылды. Тамашачылар концерт программасыннан көч алдылар,рәхәтләнеп күңелле ял иттеләр, рәхмәтләрен белдерделәр.
14 августта «Курсабаш» ҖЧҖ базасында Саба муниципаль районы башлыгы Рәис Миңнеханов җитәкчелегендә үсемлекчелек һәм 2024 елның 1 августына терлекчелек эшенә йомгаклар ясау буенча семинар-киңәшмә узды. Чарада Саба районының авыл хуҗалыгы һәм азык-төлек идарәсе белгечләре, районның авыл хуҗалыгы оешмалары һәм ветеринария хезмәте җитәкчеләре һәм белгечләре катнашты. Киңәшмә районда урып-җыю эшләренең барышы, терлек азыгы әзерләү һәм алдагы чәчү кампаниясе турында фикер алышудан башланды. Ашлык киптерү комплексын һәм авыл хуҗалыгы техникасы һәм агрегатлары паркын карадылар.
Киңәшмә барышында авыл хуҗалыгы һәм азык-төлек идарәсенең җитештерү бүлеге консультанты Илшат Нурмиев катнашучыларны хуҗалыклар буенча терлекчелек буенча күрсәткечләр белән таныштырды. Аннары «Курсабаш» ҖЧҖенең орлыкландыру буенча технологы Светлана Фәсхетдинова хуҗалыкта ветеринария чараларын оештыру турында нотык белән чыгыш ясады. Сыерларны корыган чорга әзерләү, яңа туган бозаулар, яңа бозаулар белән үткәрелгән чаралар, шулай ук терлекләрне вакцинацияләү схемалары һәм сыерларны синхронлаштыру схемалары турында җентекләп сөйләде. Хуҗалыкта маститны вакытында ачыклау һәм дәвалауга, тоякларны эшкәртүгә аерым игътибар бирелә.
Шулай ук хуҗалыкның икътисадый күрсәткечләре турында хуҗалыкның баш бухгалтеры нотыгын да тыңладылар. 2024 елда үз акчаларына 13 683 мең сумлык техника сатып алынган. Таналар тоту өчен 100 башка исәпләнгән корпус төзелде. Булачак азык үзәге мәйданчыгында азык саклау склады төзелеше башланды. «Курсабаш» ҖЧҖендә һәркөнне 16 тоннадан артык сөт савыла, бер сыердан уртача 29 кг сөт савыла. Делаваль саву залы булган сөт комплексы һәм Lely фирмасының 4 роботы булган робот комплексы эшли.
Курсабаш авылында яшәүче Мустафина Җәүһәрия Дәүләтхан кызы үз территориясен чәчәкләр утыртып бизи. Бу чәчәкләр һәркемне гаҗәеп матурлыгы белән сөендерә. Матурлык һәр кешегә кирәк.
Курсабаш авылында үзара салым чаралары хисабына агач кисү һәм елгаларны чистарту эшләре тәмамланды.