ЯҢАЛЫКЛАР

27 гыйнвар көнне Сулэ авыл клубында "Бөтендөнья кар көне"исемле викторина үткәрелде.Балалар кыш, Яңа ел, кар, буран һ. б. турында табышмаклар чиштеләр. Тасвирлама буенча әкиятләр геройларын әйттеләр. Шулай ук балалар кыш турында шигырьләр һәм җырлар искә төшерделәр. Барысы да татлы призлар алдылар-викторина сорауларына дөрес җаваплар өчен.

14 гыйнвар көнне Сүлә авыл клубында Курсабаш авыл мәдәният йорты, Курсабаш китапханәсе белгечләре белән берлектә "Иске Яңа ел"дип исемләнгән ял кичәсе үткәрелде.Чара башында Без әкият персонажларына әйләнеп, барлык авыл халкын бәйрәм белән котладык.Балалар шигырьләр сөйләделәр, персонажлар белән фотога төштеләр, татлы бүләкләр алдылар. Соңыннан кичәне төрле күңелле уеннар белән дәвам иттек. Чыршы тирәли әйлән-бәйлән уйнадык.

11 гыйнвар көнне Сулэ авыл клубында планнан тыш "каникулларның соңгы көне" исемле уен программасы үткәрелде, анда балалар өстәл уеннары - теннис, нардо, шахмат уйнадылар. Китаплар укыдылар. Без балалар белән вакытны күңелле һәм файдалы үткәрдек.

8 гыйнвар көнне Сүлә авыл клубында клуб мөдире, Курсабаш авыл мәдәният йорты белгечләре, Курсабаш китапханәсе мөдире белән берлектә, "Балалар Яңа ел бәйрәме"дип исемләнгән бәйрәм программасы үткәрделәр.Алар төрле геройларга:Убырлы Карчык, Клоун, Юлбарыс, Чыршы, Кар Кызы, Кыш Бабайга әйләнделәр. Бәйрәмнең әкият геройлары барлык кунакларны Яңа ел белән котладылар. Балалар белән күңелле уеннар, конкурслар үткәрделәр, чыршы тирәли әйлән-бәйлән уйнадылар. Балалар җырлар җырладылар, шигырьләр сөйләделәр, табышмаклар чиштеләр.Бәйрәмдә клуб һәм китапханә чараларында актив катнашкан балалар Кыш Бабайдан бүләкләр һәм грамоталар алдылар.Залда күңелле, әкияти атмосфера хөкем сөрде.

7 гыйнвар көнне Сүлә авыл клубында "Чаналы түгәрәк" дип аталган чанада шуу чарасы оештырылды. Чаналарда шуу-балалар өчен күңел ачу гына түгел, ә баланың физик үсешенә зур йогынты ясый һәм организмны чыныктыра торган менә дигән күнегү дә. Без мона балаларның зур кызыксыну белән таудан төшеп, кар көртләренә чумуларын күреп инандык. Бу алар өчен бик кызык һәм күңелле булды.

Кыш-уеннар өчен бик әйбәт чор.2 гыйнвар көнне Сүлә авыл клубы мөдире балалар белән "Кышкы капка төбендә - уенлы әйлән-бәйлән" дип аталган уен программасын үткәрде.Без балалар белән тауда шудык, күңел ачтык, кар атышып уйнадык. Кыш көне саф һавада хәрәкәтчән уеннар балаларга зур шатлык  һәм аларның сәламәтлегенә бәяләп бетергесез файда китерәләр.

Яңа ел-балалар гына түгел, өлкәннәр өчен дә иң көтеп алынган һәм якты бәйрәм. 30 декабрь көнне Сүлә авыл клубында Курсабаш авыл мәдәният йорты, Курсабаш китапханәсе, Түбән Утар авыл клубы белгечләре белән берлектә "Кыш бабайның тылсымлы сүзе"дип исемләнгән бал - маскарад үткәрелде.Үзешчән сәнгать артистлары тамашачыларга үзенең матур концерт программасын бүләк итте. Шатлыкка Кыш Бабай, Кар Кызы һәм ел символы - Юлбарыс килгән иде. Алар барлык кунакларны Яңа ел белән котладылар, кызыклы, күңелле уеннар үткәрделәр. Безнең бәйрәм Яңа ел лотереясы белән тәмамланды.

Һәр бала өчен Яңа Ел-елның иң тылсымлы һәм көтеп алынган бәйрәме. Балаларга барысы да кызыклы-чыршы бизәге, бүләкләр, Яңа ел төненең серләре һәм могҗизалары. Сүлә авыл клубында балалар белән "Кыш бабайда кунакта"дип исемләнгән иҗади дәрес үткәрелде.Балаларны Кыш Бабай һәм Кар кызы көтте.Алар бергә зур теләк һәм тырышлык белән чыршы уенчыклары ясадылар. Үз куллары белән ясалган чыршы уенчыклары балаларга үзенчәлекле бәйрәм атмосферасы тудырды. Ясалган уенчыклар белән безнең чыршыны бизәделәр.

Яңа ел бәйрәмнәре алдыннан бәйрәм атмасферасы тудыру һәм бәйрәмнәрне күтәренке рухта уздыру максатыннан, Курсабаш авыл җирлеге территориясендә әзерлек эшләре  дәвам итә. Җирлектә урнашкан һәр оешма үз территориясен һәм бистә үзәген бизү эшендә бик актив катнаша.

18 декабрь көнне Сулэ авыл клубында Курсабаш китапханэсе белэн берлектэ, "фән серләрне ача" дип исемләнгән танып-белү сәгате үткәрелде. Яшь китап укучылар төрле фәннәр буенча сәяхәткә киттеләр: фәннең нәрсә икәнен, аның ни өчен кирәк булуын, аны кайда куллануларын, ничек куллануларын һәм кем шундый галимнәрне белделәр. Балалар Россиянең төрле вакытта яшәгән һәм дөнья фәне тарихында иң зур вакыйгалар булган бөтенләй охшаш булмаган белем өлкәләрендә ачыш ясаган бөек галимнәренең исемнәре белән таныштылар.