ЯҢАЛЫКЛАР
Казанда 24-27 февральдә "Бокс һәм өстәл теннисы үзәгендә" 14 яшькә кадәрге егетләр һәм кызлар арасында өстәл теннисы буенча Татарстан Республикасы беренчелеге узды. Парлы разрядта безнең спортчыбыз Илсаф Латыйпов(Саба) Евгений Пайков(Казан) белән парлы разрядта әлеге турнирның җиңүчеләре булдылар!Йосыпов Раян (Саба) Кәрим Асылгәрәев (Казан шәһәре) белән бергә бронза медальгә ия булдылар . Шулай ук ялгыз разрядта Илсаф Латыйпов көмеш медаль яулады! Спортчыларны котлыйбыз һәм алга таба уңышлар телибез!
Саба районы чемпионнары тау кадәр медальләр алып кайттылар! 20-23 февраль көннәрендә матур Суздальдә «Алтын пункт» дип аталган мавыктыргыч нард турниры узды, анда Саба районы командасы гаҗәеп осталык һәм җиңүгә омтылыш күрсәтте! Безнең спортчылар зур бүләкләр белән кайттылар: 4 алтын, 2 көмеш һәм 1 бронза медаль! Безнең һәр катнашучыбыз – чын герой, әмма аеруча билгеләп үтәргә телибез: Мөхәммәтова Сафия (7-11 яшь): кыска нарда буенча алтын һәм озын нарда буенча бронзага лаек булды! Фазылов Илназ (12-14 яшь): "Озын нарда" дисциплинасында алтын! Кәримуллина Камилла (12-14 яшь): абсолют чемпион, озын һәм кыска нарда дада алтын яулады! Кәримуллина Сафия (7-11 яшь): командага ике дисциплинада да көмеш китерде! Бу Зур уңыш ярдәм һәм акыллы җитәкчелек булмаса мөмкин булмас иде. Россиянын нард Федерациясенә, Саба муниципаль районы башлыгы Рәис Нургали улы Миннехановка, Саба муниципаль районы яшьләр бүлегенә, хәрәкәтебезнең рухи илһамчылары Кәримуллин Рафаэль Котдус улына, Галиуллин Айнур Илнур улына, шулай ук безнең алыштыргысыз тренерыбызга, Бөтенроссия турнирлары призеры Сиринә Рәил кызы Мөхәммәтовага чын күңелдән рәхмәт белдерәбез! Нәкъ менә шундый килешле тандем безгә яңа буын талантлы уенчылар формалаштырырга һәм Россиянең нард җәмгыятен үстерергә мөмкинлек бирә!
Районыбызның 4 гаиләсе «яшь гаиләләрне торак белән тәэмин итү»программасы буенча үзләренең торак шартларын яхшыртуга таныклык алды.
3 февраль көнне«Саба-Арена » спорт комплексында малайлар арасында Ватанны саклаучылар көненә багышланган рапираларда фехтование турниры узды. Җиңүчеләргә һәм призерларга дипломнар һәм акчалата бүләкләр тапшырылды.
22 февраль көнне, «Яшьлек» яшьләр үзәге, яшьләр эшләре һәм спорт бүлеге белән берлектә алкалы хоккей буенча район чемпионаты финалын оештырды.
21 февраль көнне «Саба-Арена» спорт мәктәбендә, «Яшьлек» яшьләр үзәге Әфганстанда интернациональ бурычларын үтәгәндә һәм башка “Кайнар нокта”ларда һәлак булган якташларыбыз Кубогына яшьләр арасында волейбол турниры оештырды.
22 февральдә «Саба-Арена» спорт комплексында “Ватанны саклаучылар көненә " багышланган Өстәл теннисы буенча ачык турнир тәмамланды.18 кыз һәм 20 егет көч сынаштылар. Номинациядә катнашучылар: типичные,ОВЗ(сәламәтлек мөмкинлекләре чикләнгән,ИН2 (Даун синдромы). Типик катнашучылар челтәрендә хатын-кызлар ялгыз разрядында пьедесталның өченче баскычына Алиана Әхмәтҗанова һәм Иделия Сафина күтәрелде. Икенче урынга Анастасия Ануфриева күтәрелде.Галина Гороховатченко җиңүче булды. Ирләр разрядында пьедесталның өченче баскычына Рамазан Әүхәдиев һәм Нияз Шаманов күтәрелде. Икенче урынга Алмаз Гарипов менде. Владимир Богданов җиңүче булды.ОВЗ кызлары: пьедесталның өченче баскычында — Гөлназ Исмәгыйлева, икенче баскычта-Алсу Нигъмәтҗанова. Элина Шәйдуллина җиңүче булды. Егетләр: өченче урында- Айрат Закиров, икенче урында- Эмиль Сафронов. Җиңүче Тимур Шакиров бәйрәм итте.Кызлар арасында ИН2 номинациясендә икенче урынны Ксения Щава алды, ә җиңүне Полина Кадырова яулады. Өстәл теннисы буенча Россия җыелма командасы составында алыштыргысыз лидер Ләйсән Зарипова хәзерге вакытта Кырымда укыту-тренировка чараларында катнаша.Яшүсмерләр арасында 2нче урынны Айдар Идрисов алды. Җиңүне Камил Вәлиев бәйрәм итте.
23 февраль көнне Саба-Арена спорт мәктәбе спортсмены Фазлыева Амалия "Татарстан 1" командасы составында 24 яшькә кадәрге кызлар арасында фехтование буенча Идел буе федераль округы Беренчелегендә көмеш медаль яулады
Спортчыбызны котлыйбыз һәм алга таба уңышлар телибез!
2026 елның 21-22 февралендә Казанда Татарстан Республикасы Бадминтон өметләре-2026ның 1 туры узды . Ярышларга республикабызның 2014 елда туган һәм аннан кечерәк 216 спортчысы җыелды, алар алдан Республика зоналары буенча сайлап алу этапларын узды. 2 көн эчендә 803 матч уйналды. Безнең спорт мәктәбеннән 15 спортчы катнашты. 1 тур призерлары: 2014-2015 еллар: 2 урын - Борһанов Данияр-Хәбибуллина Наргиза, 2 урын-Борһанов Данияр - Пулатов Аяз (Балык Бистәсе) 3 урын-Хәбибуллина Наргиза-Ложеницына Эмилия (Казан) ,3 урын-Шаһиев Айзат (2 нче дивизион) 2016 елгы һәм кече: 2 урын - Сафин Зиннәтулла, 2 урын - Сафин Зиннәтулла-Хуҗин Илдан ,2 урын - Сафин Зиннәтулла-Габделхаева Мәрьям, 3 урын-Хуҗин Илдан-Сәлахова Мәрьям (Яр Чаллы). Барлык катнашучыларны, тренерларны, ата-аналарны балаларыбызның уңышлы чыгышлары белән котлыйбыз. Сәламәтлек, алга таба уңышлар телибез!
“Яшьлек” яшьләр үзәгенең көрәш белән шөгыльләнүче яшьүсмерләрен җаваплылыгы чикләнгән "ИНКО" җәмгыяте директоры Габидуллин Инсаф Галимулла улы футболкалар белән сөендерде.