Бездә өмә!

2026 елның 17 апреле, җомга

Апрель - табигать уянган, ә яшәүчеләр урамнарны һәм паркларны чистартуга чыккан традицион яңарыш вакыты. Бүген "Саба" йөзү бассейны коллективы язгы субботникка кушылды. Тырмалар һәм яхшы кәеф белән коралланып, чарада катнашучылар бассейныбыз территориясен тәртипкә китерделәр: чүпләр, коры үләннәр һәм узган елгы яфраклар җыелды. Экологик икеайлык дәвам итә. Чара "Экологик иминлек" илкүләм проекты кысаларында үткәрелә. Исегезгә төшерәбез, республикада икеайлык 1 апрельдә башланды, 31 майда тәмамланачак. Барыгызны да экологик марафонга кушылырга чакырабыз! Бергәләп без районыбызны яшелләндерәчәкбез!