ЯҢАЛЫКЛАР
Бүген Укытучылар бәйрәме. Әлеге бәйрәм уңаеннан Шәмәрдән лицее “Үсеш” активистлары барлык укытучыларыбызны котлау открыткалары белән каршы алдылар, матур музыка уйнап торды.
1 нче октябрь көнне Байлар Сабасының “Олимп” стадионында укучылар арасында “Көзге кросс” ярышы булып узды.
2 октябрь көнне район мәдәният йортында Укытучылар көненә багышланган тантана үтте.Район Башлыгы Р.Н.Минниханов һәм мәгариф идарәсе җитәкчесе И.Ф.Шакиров хезмәттәге уңышлары өчен укытучы - лидерларны котлап, Рәхмәт хатлары һәм Мактау кәгазьләре тапшырды.
1 нче октябрь илебездә Халыкара өлкәннәр көне буларак билгеләп үтелә. Әлеге көнне барчабыз да өлкәннәребезне бәйрәм белән котлыйбыз, аларга изге теләкләр теләп, бүләкләр тапшырабыз.
Тимершык урта мәктәбендә укучыларны «Юнармия» сафларына кабул итү тантанасы булып узды. 7А сыйныф укучылары «Юнармия» Бөтенроссия балалар-яшүсмерләр хәрби-патриотик иҗтимагый хәрәкәтенең төбәк бүлекчәсе сафына керделәр.
Ш.З.Зиннуров исемендәге Сатыш урта мәктәбенең “Юнармия” Бөтенроссия хәрби-патриотик отряды үз сафларына яңа юнармеецларны кабул итте.
“Нургали оныклары” активистлары традицион көзге экологик “Агач утырт” акциясендә актив катнаштылар.
Кадерле һәм хөрмәтле коллегалар, сезне һөнәри бәйрәмегез-Тәрбиячеләр һәм мәктәпкәчә белем бирү хезмәткәрләре көне белән котлыйбыз! Сезгә чын күңелдән бәхет, игелек, мәхәббәт, игътибар, кайгыртучанлык, аңлау, ярдәм телибез.
Казанда «Kazan Digital Week 2021»халыкара форумы уза. Форум программасында бүгенге көндә иң актуаль темалар яктыртылды. Саба муниципаль районы мәктәпләре педагоглары «Мәгариф өлкәсендә цифрлы технологияләр»темасына иң яхшы спикерларны тыңладылар.
Татарстан Республикасында мәктәпләрдә шахмат зоналары ачу буенча махсус проект гамәлгә ашырыла. 22 сентябрь көнне Олы Кибәче урта мәктәбендә тантаналы төстә шахмат зонасы ачылды. Чарада катнашкан ТР Дәүләт Советы депутаты М. И. Галиев мәктәбебезгә шахмат өстәлләре, комплектлары бүләк итте. Саба муниципаль районы Башкарма комитеты җитәкчесе урынбасары –Саба муниципаль районы башкарма комитеты Аппараты җитәкчесе М. Р. Кәримов, Саба муниципаль районы Башкарма комитетының мәгариф идарәсе җитәкчесе И. Ф. Шакиров, Олы Кибәче авыл җирлеге башлыгы Сафин А. К. укучыларга шахмат уенын тагын да активлаштырырга тәкъдим итеп, уңышлар теләделәр.