ЯҢАЛЫКЛАР

29 май көнне Юлбат мәдәният йорты, китапханә һәм Тенеки авыл клубы хезмәткәрләре, совет чорында хезмәт итеп кайткан чик сакчылары белән берлектә, чик сакчылары көненә багышланган «Чик синең йортыңның бусагасыннан башлана» дип исемләнгән музыкаль кичә үткәрделәр. Фәтхриев Р.Р. балаларга армиядә хезмәт итү еллары турында сөйләде. Катнашучылар сораулар бирделәр, аларга безнең чик сакчылары - Фәтхриев Р.Р. һәм Хәнипов А.Р. бик теләп җавап бирделәр. Клуб берләшмәләрендә катнашучылар концерт номерлары күрсәттеләр, матур җырлар җырланды, шигырьләр укылды. Чик сакчылары да читтә калмады, хәрби-патриотик җырлар җырладылар. «Армия чемоданы» дип аталган тематик күргәзмә оештырылды һәм чик сакчылары көненә стенгазета чыгарылды.

27 май көнне Бөтенроссия китапханәләр көнендә Юлбат  мәдәният йорты һәм китапханә хезмәткәрләре «Тирә - юньдә дә...китапханә янында" дип исемләнгән квест-уен үткәрделәр. Иң элек мәдәният йорты мөдире катнашучылар белән берлектә китапханәчене һөнәри бәйрәмнәре белән котлады. Ә китапханәче авыл китапханәсенең килеп чыгу тарихы, әлеге вазифада эшләгән ветераннар белән таныштырды. Библиоквестта катнашучылар командаларга бүленеп, маршрут кәгазе алгач, уенга кушылдылар. Һәр команданың маршруты китапханәнең төрле зоналары буенча узды һәм фразаларның өзекләрен эзләү белән тәмамланды. Квестта катнашучылар ачкычлар-киңәшләр эзләделәр, ә юл буйлап башваткычлар һәм «әдәби пазлалар» туплап, шомартылган фразалар чиштеләр. Эрудиция, тапкырлык һәм әдәби әсәрләрне һәм аларның авторларын яхшы белүләрен күрсәтеп, финишка кадәр уңышлы килеп җиттеләр.

20 май көнне Юлбат мәдәният йорты һәм китапханә хезмәткәрләре «Пионериянең юбилее - 100 ел» дип исемләнгән танып-белү сәгате үткәрделәр. 19 май - Владимир Ленин исемендәге Бөтенсоюз пионерлар оешмасы көне. Китапханәче һәрбер оешманың үз атрибутлары булуы, пионер оешмасы символлары турында сөйләде. Галстукның өч ахыры 3 буын, ягъни коммунистлар, комсомоллар һәм пионерлар арасындагы ныклы элемтәне билгеләгәнен белделәр.  Шулай ук мәктәптә пионер оешмаларының мәҗбүри символы булган-значок, галстук, пионер байрагы  һәм девиз сурәтләнгән кызыл төстәге тукыма турында сөйләнде. Чараның кунагы-пионерлар хәрәкәте ветераны, Зәки Хәбибуллин исемендәге Юлбат сигезьеллык мәктәбенең өлкән пионервожатые Шакирҗанова Фәхимә Гаптелфәт кызы пионерлар хәрәкәтендәге үз эшләре белән уртаклашты һәм балаларга яхшы кәеф, яхшы укуларын, югары үрләргә омтылуларын теләде. Бәйрәм стенгазетасы чыгарылды һәм  «Һәрвакыт әзер» дип исемләнгән тематик күргәзмә оештырылды.

13 май көнне Юлбат мәдәният йорты, китапханә һәм Тенеки авыл клубы хезмәткәрләре «Сыналган мәхәббәт» дип исемләнгән әдәби сәгать үткәреп, «Ак калфак» клубы әгъзаларын яңа китаплар белән таныштырдылар. Галия Сафиуллинаның «Сыналган мәхәббәт» китабына аерым игътибар бирелде. Галия Сәлимовна повестьлар гына түгел, шигырьләр дә яза. Аның сүзләренә җырларны Татарстанның Марат Яруллин, Фирдүс Тямаев, Ләйсән Рәфыйкова һәм башка эстрада йолдызлары башкара. Шигърияткә мәхәббәт аңа әтисеннән бирелә, ул шигырьләр иҗат итәргә яраткан, аның кулъязмалары бүгенге көнгә кадәр сакланган. Чирмешән язучысының һәр повесте - танышларының реаль тормыш тарихы һәм һәр геройның язмышын ул үзе кичерә, гүя күз яшьләре белән яза, бу аның повестьларына аерым реалистиклык өсти. Чарада катнашучылар әсәрләрдән өзекләр укып, геройларга борчылып, повестьны тулысынча укырга теләделәр һәм китапны өйләренә алдылар.

8 нче май көнне Юлбат мәдәният йорты каршында  батырлар истәлегенә куелган һәйкәл янында “Җиңү көне”, дип исемләнгән митинг үтте. Авыл мулласы чыгышыннан соң, җирлек башлыгы Шәмсиев Т.Р., район вәкиле Закирзянов Р.Р., мәктәп директоры Хаҗиев И.И., "Юлбат" авыл хуҗалыгы предприятиясе директоры Садыков А.Р. сугыш чоры балалары исеменнән Галиев Н.Т., мәктәп укучылары,  барлык тыл ветераннарын, сугыш чоры балаларын бәйрәм белән тәбрикләп, изге теләкләрен җиткерделәр. Сугыш елларында һәлак булган сугышчыларны, сугыштан соң үлгән ветераннарны бер минут тынлык белән искә алдылар, чәчәкләр салдылар һәм җитәкчеләр, ветераннар белән бергә «Хәтер бакчасы» утырттылар.

Юлбат авыл җирлегендә тыл ветераннарын Җиңү көне белән котлап котлау открыткалары һәм бүләкләр тапшырдылар.

20 апрель көнне Юлбат мәдәният йорты, Тенеки авыл клубы һәм китапханә хезмәткәрләре Идел буе Болгар дәүләтендә Ислам динен кабул итүгә 1100 ел тулу уңаеннан «Иман нуры» дип исемләнгән мәгълүмат сәгате үткәрделәр. Татарстан Республикасы Туган якны өйрәнүчеләр җәмгыяте советы әгъзасы, Татарстан Республикасының атказанган укытучысы, тарихчы Сафин Илдар Фәтхулла улы Идел буе Болгары тарихының төп моментларының берсе – ислам динен рәсми кабул итү турында сөйләде.

2 апрель көнне Юлбат мәдәният йорты һәм китапханә хезмәткәрләре цифрлы мәдәният проекты кысаларында музейга виртуаль сәяхәт оештырдылар. Чара барышында катнашучылар музейда нинди кызыклы әйберләр күрергә мөмкин икәнлеге, нинди күргәзмәләр булуы, музей хезмәткәрләренең нәрсә белән шөгыльләнүләре турында белделәр. Музей - Дәүләт Эрмитажы коллекциясе белән таныштылар. Бу - Санкт-Петербургның сынлы һәм декоратив-гамәли сәнгатькә багышланган иң танылган музейларының берсе. Чара ахырында әбиләребезнең кул эшләре белән таныштылар, алар музейда үз урыннарын алырга һәм кыйммәтле экспонат булырга лаек. Күптән чигелгән, бүгенге көнгә кадәр сакланган кул эшләре дә бар.

1 апрель көнне Юлбат мәдәният йорты, китапханә, Юлбат төп гомуми белем бирү мәктәбе белән берлектә, Халыкара китап көне кысаларында «Сезне  уку утравында маҗаралар көтә» дип аталган әдәби сәяхәт үткәрделәр. Балалар китаплары – ул тулы бер дөнья, иң кызыклы һәм серле китаплар-балалар китаплары. 2 апрель көнне Халыкара балалар китабы көне билгеләп үтелә. Ганс Кристиан Андерсен барлык чорларның иң бөек әкиятчесе дип санала. Балалар бөек Г.К.Андерсен әкиятләре буенча әдәби сәяхәт ясадылар. Алар язучының тормыш юлы белән таныштылар, презентация-викторина ярдәмендә Андерсенның  әкият геройларын танып, сөйләп бардылдар. Г.Х. Андерсен әкиятләренә багышланган уен-квест балаларда күңелле җанлану уятты. Китаплар турында мәкальләр укыдылар, табышмаклар, кроссвордлар чиштеләр. Һәр станциядә катнашучылар яңа биремнәр алдылар. Сәяхәт серле сандыктан хәзинә табу белән тәмамланды. “Балалар китабы көне белән” дигән китап күргәзмәсе куелды.

27 март көнне Юлбат мәдәният йорты һәм китапханә хезмәткәрләре көче белән "Нәүрүз" бәйрәменә зур һәм эчтәлекле программа әзерләнде, стенгазета, фотозона куелды. Чара кыш һәм яз арасындагы каршылыкны сурәтләүче театр инсценировкасы белән башланып китте. Бәйрәм барышында барлык теләүчеләр дә күңелле конкурсларда катнаштылар. Тамашачы кунаклар җырлар тыңладылар, көч һәм җитезлек буенча төрле ярышларда катнаштылар, коймак, ботка ашап, чәй эчтеләр. Күңелле җырлар, призлар белән мавыктыргыч ярышлар-болар барысы да бәйрәм атмосферасы һәм җыелучыларга яхшы кәеф тудырды.