ЯҢАЛЫКЛАР
Саба муниципаль районы Мичән төп гомуми белем бирү мәктәбенең 8 сыйныф укучылары белән җирле үзидарә башлыгы, депутат А. Ә. Гәрәев белән очрашу үткәрде.
30 октябрь көнне Мичән төп белем бирү мәктәбенең 7 нче һәм 8нче сыйныф укучылары әти-әниләр белән берлектә Казан шәһәренә сәяхәт ясадылар.
29 октябрь көнне Керәнне авыл клубында "Җырлыйк әле" проект программасы белән Юлбат авыл җирлеге үзэшчәннәре, Юлбат мәдәният йорты, китапханәсе,Тнеки һәм Йосыф-Алан авыл клублары хезмәткәрләре чыгыш ясады. Концерт барышында алып баручылар тамашачыларны һәм катнашучыларны Комсомол көне белән котладылар, ә алып баручы үз җырларын балалары, әтиләре һәм ирләре мобилизацияләнгән гаиләләргә багышлады.
Мичән авыл җирлегендә мәдәният хезмәткәрләре белән берлектә Өлкәннәр көненә багышланган чаралар булып узды.
Мичән авыл җирлегендә өлкәннәр көненә багышлап, төрле елларда шушы җирлектә эшләгән, күчеп кайткан, хәзерге вакытта лаеклы ялда булган хезмәткәрләргә азык-төлек пакетлары таратылды.
3 октябрь көнне Мичән авыл җирлегендә яшәүче алтын һәм зөбәрҗәт парлар тәбрикләнде. Безнең җирлектә алар: 50 ел бергә яшәгән Мөбарәков Васил Шәрип улы һәм Мөбәрәкова Рәзиф Талип кызы.
18 сентябрьдә Керәнне авыл клубында концерт үткәрелде. Концертта Кызыл-Мишә, Симет , Мишәбаш, Иске Мичән мәдәният йортлары , Түбән Симет,Өтернәс, Иләбәр, Керәнне авыл клубы хезмәткәрләре катнашты.
Тамашачылар концерт программасында катнашучыларны алкышлар белән каршы алдылар. Матур һәм истә калырлык номерлар тамашачыларга онытылмаслык тәэсирләр, яхшы кәеф һәм уңай энергия бүләк итте.
17 сентябрьдә Мичән авыл җирлегендә Милләтләр кроссы-2022 бәйгесе булып узды. Кроссны тантаналы рәвештә Мичән авыл җирлеге башлыгы Гәрәев А. Ә., Мичән төп гомуми белем бирү мәктәбе директоры Закиров Д. Р. ачып җибәрделәр. Ярышта мәктәп укучылары һәм бюджет оешмалары эшчеләре катнашты. Җиңүчеләр Мактау грамоталары белән бүләкләнде.
1 сентябрь көнне Мичән төп гомуми белем бирү мәктәбендә Белем көненә багышланган тантаналы чара узды. 1 сыйныфка 6 укучы керде. Мәктәптә барлыгы 56 укучы белем алачак.
Кич утыру - ул безгә мирас буенча килгән гореф-гадәтләренең берсе. 16 август көнне Яңа Мичән авыл китапханәсе мәдәният йорты белән берлектә "Авылымның айлы кичләре"дип исемләнгән кич утыру оештырдылар. Җәйге кичтo, көндәлек эштән соң, күршеләр капка янына җыелды. Чара барышында китапханәче Идел буе Болгар дәүләтендә ислам динен кабул итүгә 1100 ел тулу уңаеннан "Иман нуры"дип исемләнгән китап күргәзмәсенә күзәтү үткәрде. Икенче өлештә самавырдан чәй эчтеләр, яңалыклар белән алмаштылар, кызыклы тарихлар сөйләделәр.