ЯҢАЛЫКЛАР
6 февраль көнне Яңа Мичән авылында тантаналы рәвештә Саба үзәк район хастаханәсенең "Сәламәтлек саклау» милли проектының сәламәтлек саклауның беренчел буынын модернизацияләү программасы буенча төзелгән фельдшер-акушерлык пункты ачылды.
Ачылу тантанасында Саба районы Башлыгы Минниханов Раис Нургали улы, «Саба РҮХ» ДАССУ баш табибы Юсупов Марат Рафаэль улы, Юлбат авыл җирлеге башлыгы Гәрәев Айзат Әхмәтгәли улы, шулай ук авыл халкы һәм кунаклар катнашты.
Яңа бина тулысынча заманча җиһазлар белән җиһазландырылган. Диспансеризация, медицина тикшерүләре, барлык кирәкле процедуралар үткәрергә мөмкинлек бирә.
6 февраль көнне Мичән авыл җирлегенең отчет җыены булып узды. Җыенда Саба муниципаль районы Башлыгы урынбасары Р.Р. Закирҗанов, хокук саклау органнары вәкилләре, оешма җитәкчеләре катнашты. Җыелыш башында «Татмедиа» АҖ һәм «Саба дулкыннары» АҖ әзерләгән видеоматериаллар каралды. Җыенның көн тәртибе түбәндәгечә булды:
1. Мичән авыл җирлегендә урнашкан бюджет оешмаларының 2022 елда эшләгән эшләренә еллык отчеты һәм 2023 елга планнары.
2. Саба һәм Теләче районнары буенча янгын күзәтчелеге бүлеге җитәкчесе Галимуллин Айнур Рифкат улы чыгышы.
3. Курса урман участогы вәкиле Гилазов Ф.Т урманнарда янгын куркынычсызлыгын тәэмин итү өчен кирәкле чаралар күрү буенча чыгышы.
4. Участок вәкаләтлесе Р.Ә. Садриевның чыгышы.
5. Мичән авыл җирлеге башлыгы А.Ә.Гәрәевның 2022 елда эшләгэн эшләргә еллык отчеты һәм 2023 елда эшләнергә тиешле эшләр һәм планнар белән таныштыруы.
6. 2022 елда гражданнар җыелышында әйтелгән тәкъдимнәрне, үтенечләрне һәм теләкләрне үтәү буенча отчет һәм 2023 елда гражданнарның тәкъдимнәрен һәм сорауларына җаваплар.
7. Саба муниципаль районы башлыгы Р. Н. Миңнехановның йомгаклау сүзе.
2023 нче ел Татарстанда милли мәдәниятләр һәм гореф гадәтләр елы дип игълан ителде. Шул уңайдан 20 нче гыйнвар көнне Яңа Мичән “Каенкай” балалар бакчасында китапханәче Сәйфетдинова Фирдәвес Ясәви кызы белән берлектә “Әбиемнең куңел сандыгы” дип аталган җанлы очрашу үткәрелде. Балалар халкыбызның үткәне,гореф гадәтләре,милли киемнәре,йолалары белән таныштылар. Милли бәйрәмнәребез белән танышу аша балаларыбызга татар халкының гомер гомергә эшчән, әдәпле, кунакчыл, ачык йөзле, миһербанлы булуын анлаттык.
Иске Мичән ФАПна ЭКГ аппараты кайтты. ЭКГ аппараты булу кешенең йөрәк эшчәнлеген тикшереп, вакытында табиб белән киңәшеп тиешле диагноз куярга һәм нәтиҗәле дәвалау билгеләргә ярдәм итә.
Саба"җаваплылыгы чикләнгән җәмгыятенең "Мичән" бүлекчәсе паркында машинага кузов ясыйлар.
Атналык план буенча 25 гыйнварда химия укытучысы Алсу Равил кызы 9 сыйныфта " Кислород-химик элемент һәм гади матдә. Озон. Һава составы. Кислородның физик һәм химик үзлекләре. Кислород алу һәм куллану" дигән темага ачык дәрес үткәрде.
Табигать фәннәре атналыгы дәвам итә. 27 нче гыйнвар көнне мәктәп күләмендә "Җир шарын саклыйк!" дип исемләнгән ачык чара үткәрелде.
28 гыйнварда "Табигать һәм без" атналыгы кысаларында химия укытучысы Әхмәдиева Алсу Равил кызы кече сыйныф укучылары өчен "Мавыктыргыч тәҗрибәләр" үткәрде.
Иске Мичән балалар бакчасында “Әбиемнең серле сандыгы” темасы буенча
шогыльләр уза. Безнең максатыбыз: балаларны ана телебезнең матурлыгын тоярга, ана телендә матур итеп сөйләшергә, уйларга өйрәтү . Балаларны татар халкының рухи мирасы, күңел җәүһәрләре белән таныштыру, туган телебезне ярату,зурлау, аңа соклану хисләре тәрбияләү.
Балалар чиккән киемнәр, урын-җир, борынгы бизәнү әйберләре белән таныштылар. Татарча шигырьләр, җырлар, биюләр өйрәнделәр.
Яңа Мичән авылында яңа кибет төзелә башлады.
2023 ел Россиядә педагог һәм остаз елы дип игълан ителде. ә. Педагог һәм остаз елы кысаларында Керәнне авыл клубында Яңа Мичән авыл китапханәсе белән берлектә "Укытучыларга аерым хөрмәт" исемле әңгәмә үткәрделәр. Укытучы нинди сыйфатларга ия? Төрле вакытта күренекле укытучылар нинди иде? Аларның эшчәнлеге әдәбиятта, сынлы сәнгатьтә нинди чагылыш тапкан? Мәгариф һәм укытуның тарихы нинди? Балалар әңгәмә вакытында куп әйберләр белделәр. Әңгәмә Яңа Мичән авыл китапханәсе мөдире оештырган китап күргәзмәсе янында узды, анда укучылар алдында укытучы, мәктәп, укучы образын чагылдыручы, төрле педагогик мәсьәләләргә кагылышлы әсәрләр күрсәтелде.
Инвалидлар декадасы кысаларында Керәнне клуб мөдире, үзешчән сәнгать артистлары белән " Югары Утар балалар интернат - йортында психик тайпылышлары булган гражданнар өчен "Мин яшәргә телим" дигән хәйрия концерты оештырды. Программа тәмамлангач, интернат директоры оештыручыларга һәм артистларга ихлас рәхмәтләрен җиткерде, бүләкләр һәм кучтәнәчләр өчен рәхмәт белдерде. Хезмәткәрләр һәм тәрбияләнүчеләр җылы очрашудан бик канәгать калдылар.