Мичән авыл җирлегендә юлларны кардан ачарга техникага кар көрәү җайланмасы урнаштырылды.

Саба муниципаль районы Мичән төп гомуми белем бирү мәктәбенең 8-9 сыйныф укучылары белән Мичән авыл җирлеге сәркатибе очрашу үткәрде.

Җаваплылыгы чикләнгән « Саба» Җәмгыяте “ Мичән” бүлекчәсенең авыл хуҗалыгы паркында техникаларны җылы бинада тоту өчен утын әзерләү эшләре бара.

2023 елның 2 декабрендә Яңа Мичән мәдәният йортында Украинада махсус операциядә катнашучы хәрбиләргә ярдәм итү өчен "Исән - сау кайтыгыз балалар, көтә газиз Аналар" исеме астында зур хәйрия концерты узды.

 Артистлар тамашачыларга искиткеч концерт программасы бүләк иттеләр. Ике сәгатьлек концерт бер мизгел кебек үтте.

Хәзерге вакытта Ватанны саклаучы геройларыбызга ярдәм итү өчен концертка килгән һәркемгә рәхмәт сүзләрен Мичән авыл җирлеге башлыгы Гәрәев А. Ә. белдерде.

Хәйрия концертын оештыручы Яңа Мичән мәдәният хезмәткәрләре, концерттан кергән акчалар Украинада махсус операциядә катнашучыларга ярдәм итүгә юнәлтеләчәк, дип билгеләп үттеләр. Концерт бер сулышта узды. Тамашачылар һәр чыгышны җылы каршы алдылар һәм чын күңелдән хупладылар.

Яңа Мичән авылында Бөек Ватан сугышында катнашучылар истәлегенә яңа монумент төзү эшләре тәмамланды.

Мичән төп белем бирү мәктәбендә Халыкара Әниләр көненә багышланган чара узды.

"Әниләр көне" уңаеннан, Керәнне авыл клубында, хатлардан төзелгән  «Җырым булсын бүләгем” дип исемләнгән бәйрәм концерты булып узды. Әниләрне котлап язылган җылы хатлар матур жырларга, биюләргә төрелеп ияләренә тапшырылды. hәр чыгыш көчле алкышлар белән кабул ителде. Уллары махсус хәрби операцияда булган егетләребезнең әниләренә аерым игътибар бирелде, уллары исеменнән котлау яңгырады. Бәйрәм концерты күңелле  уен-конкурслар белән үрелеп барды.  Кичәнең бергәләп җырланган "Әниемә" жыры белән тәмамлануы бәйрәмгә ямь өстәде. Тамашачы кәнәгать калды, оештыручыларга hәм артистларга олы рәхмәт хисләрен белдерде.

Илебездә билгеләп үтелә торган күпсанлы бәйрәмнәр арасында Әниләр көне аерым урын алып тора. Бу бәйрәмгә беркем дә битараф кала алмый, бу мәңгелек бәйрәм: буыннан – буынга һәр кеше өчен әни-тормышның иң төп кешесе. 28 ноябрьдә Иске Мичән мәдәният йортында Килдебәк, Лесхоз, Кызыл Мишә, Түбән Симет мәдәният хезмәткәрләре катнашында Әниләр көненә багышланган бәйрәм концерты узды.

Яңа Мичән мәдәният йортында «Токмач бәйрәме» узды. Бәйрәмдә дүрт команда катнашты, һәркайсында өчәр катнашучы. Конкурс өч этаптан торды: беренчесе – камырны басу, икенчесе – камырны җәю һәм өченчесе – камырны кисү. Командаларның эшен жюри әгъзалары күзәтте һәм бәяләде. Конкурста урыннар «Иң оста кисүче», «Иң нечкә камыр», «Иң тәмле камыр» номинацияләре өчен бирелде. Катнашучылар шулай ук кунакларны каршы алу осталыгын күрсәттеләр, бәйрәм өстәле өчен сыйлар әзерләделәр. Конкурс этаплары арасындагы тәнәфесләрдә бәйрәм кунаклары өчен җыр һәм биюдән концерт номерлары белән үзешчән сәнгатьтә катнашучылар чыгыш ясады һәм конкурслар үткәрелде.

Мичән авыл җирлегендәге иске йортларны сүтү эшләре бара.