ЯҢАЛЫКЛАР

Саба урман хуҗалыгы тарихы музее хезмәткәрләре яшь кунаклар өчен “Наркомания: белергә, ялгышмаска!»  дип аталган әңгәмә оештырдылар. Соңгы елларда сәламәт яшәү рәвеше мәсьәләсе бик актуальләшә. Хәзерге вакытта барлык үсеш алган илләрдә теге яки бу зарарлы гадәтләргә бәйле кагыйдәләр киң таралган. Шуңа күрә яшь буын өчен сәламәт яшәү рәвешен  аңлап сайлау аеруча мөһим. Әңгәмә барышында урман музее хезмәткәрләре үсеп килүче буынга наркотикларның нәрсә икәнен һәм нинди йогынты ясавын, шулай ук наркотикларның кешенең тормышына ничек тәэсир итүен сөйләделәр.

Россия көне - Россия Федерациясенең мөһим дәүләт бәйрәме, ул ел саен 12 июньдә билгеләп үтелә. Халык аны милли бердәмлек, теләктәшлек һәм тынычлык көне буларак бәйрәм итә.2002 елга кадәр ул Россиянең дәүләт суверенитеты турында Декларация кабул итү көне дип атала иде. Бүген Россия көне патриотик төсмерләр ала һәм Россия халкының милли бердәмлеге һәм илнең бүгенгесе һәм киләчәге өчен җаваплылык символына әверелә. Бу бәйрәм  илдә иң «яшь» дәүләт бәйрәмнәренең берсе. Шушы көн уңаеннан Саба урман хуҗалыгы тарихы музее хезмәткәрләре яшь кунаклар өчен «Россия көне» дип исемләнгән мәгълүмат сәгате үткәрделәр. Чара барышында катнашучылар әлеге бәйрәмнең тарихы турында белделәр,үзләрен кызыксындырган сорауларга җавап алдылар.

Районыбызда милләтебезнең матур гореф- гадәтләрен, киенү үрнәкләрен саклап яшәүче, аларны балаларына, оныкларына да җиткерүче гаиләләр бик күп. Гаилә елы уңаеннан,  Саба район китапханәсе  "Милли кием - милләтемә тугрылык" татар милли киемле курчаклар бәйгесе үткәрде.
Бәйге 4 номинациядә үткәрелде.
"Мин - татар кызы!" номинациясендә Гран-прига Шәмәрдәннән Фахуртдинова Зөлфия лаек булды.
1 урынга Сатыштан Муратниязовлар, 2 урынга Сабадан Тимергалиевлар, Шәмәрдәннән Галиакбәровлар, 3 урынга Олы Ныртыдан Вәлиевлар гаиләләре лаек булды. Кызыксындыру бүләгенә Юлбаттан Хәмитовалар, Явлаштаудан Галиевлар, Шәмәрдәннән Падимовлар гаиләсе ия булдылар.
"Мин - татар малае" номинациясендә Килдебәктән Хакимовларга кызыксындыру бүләге тапшырылды.
"Милли гаилә" номинациясендә Иләбәрдән Федоровлар гаиләсенә 1 урын,  2 урын шул ук авылдан Кәримовлар гаиләсенә булды.
"Үз кулларым белән курчак" номинациясендә 1 урынны Сатыштан Галиевлар гаиләсе алды.
Кызыксындыру бүләгенә Сабадан Хуҗиннар, Мәгьсүмовлар, Шәмәрдәннән Газизовлар, Йосыповлар гаиләре ия булды.
  Бәйгегә барлыгы 25 гаилә катнашты.Күңел җылысын биреп эшләгән,  күз явын алырлык курчаклар күргәзмәсе Саба сабантуеның матур бизәге булды.  Мәдәният бүлеге җитәкчесе Рөстәм Фидаил улы бәйгедә җиңүчеләргә матур теләкләрен җиткерде,  бүләкләр тапшырды.

Саба урман хуҗалыгы тарихы музее хезмәткәрләре яшь кунаклар өчен «А.С. Пушкин - бөек рус шагыйре» дип исемләнгән кызыклы лекция үткәрделәр. А.С. Пушкин безне гомер буе озата бара. Бөек рус шагыйре белән бәйле урыннар илебездә байтак. Ул Казанда да бар. Бөек шагыйрьнең эзләрен чал Казан һаман кадерләп саклый. Ул тукталган йортка истәлек тактасы куелган. Муса Җәлил исемендәге Татар дәүләт опера һәм балет академия театры бинасы янына һәйкәл урнаштырылган. Казан шәһәренең үзәк урамнарының берсе шагыйрь исемен йөртә. Һәрберебез А.С. Пушкин әкиятләрен белә һәм ярата. Аның әсәрләре гаҗәеп хыялга, яхшылыкка, матурлыкка, гүзәллеккә, юмор хисенә бай.

24 май көнне Саба район китапханәсенә Татарстанның төрле районнарыннан "Татавтодор" ачык акционерлык җәмгыятендә эшләүче кунаклар килде . Реконструкциядән соң яңартылган китапханә буенча экскурсия ясадылар, китапханә тарихы һәм китап укучылар өчен яңа мөмкинлекләр белән таныштылар.

16 май көнне, 15май - Халыкара гаилә көне уңаеннан, район китапханәсе хезмәткәрләре “Гаилә белән китапханәгә” клуб берләшмәсенә йөрүчеләр белән берлектә “Без – бердәм, тату гаилә” дип исемләнгән гаилә бәйрәмен үткәрделәр. Чара Саба район мәдәният бүлеге начальнигы Заһидуллин Р. Ф. котлавы белән башланды. Катнашучы гаиләләр китапханәчеләр әзерләгән:  “Кайсы гаилә күбрәк матур сүзләр белә?”, Төз атучы”, “ Пантомимо”, ”Сорау бирә әниләр, ни диярләр әтиләр?”, “Йомгакны кем тизрәк чорный” һәм башка кызыклы, мавыктыргыч  биремнәрне үтәп үзара көч сынаштылар һәм  дуслык җиңде. Чарада гаиләләр иң мөһиме - үзара аңлашып, ярдәмләшеп гаилә белән бергә эшләү кирәклеген расладылар. Катнашучыларны эстрада артистлары Ризат һәм Зинира Рамазановлар, Лилия Муллагалиева үз теләкләрен белдереп, гаилә көне белән видеоэлемтә аша котладылар. Чара ахырында Саба үзәкләштерелгән китапханәләр системасы директоры Билалова Ләйсән Рәкыйп кызы үз теләкләрен белдерде һәм истәлекле бүләкләр тапшырды.

16 май көнне Кызыл Мишә китапханәсендә А.Кәримуллин исемендәге район китапханә хезмәткәрләре эпоксидлы сумаладан брелоклар ясау, шоппер сумкасы буяу һәм мөселман тәсбихләре ясау буенча мастер-класс үткәрделәр.
Пушкин картасы буенча 9 билет.

16 май көнне Саба район китапханәсенә Саба гимназиясенең "Яшь талантлар" театр түгәрәгендә катнашучылар килде. Китапханәчеләр аларга "Мин кулыма китап алам" видеороликлар конкурсында актив катнашканнары өчен рәхмәт хаты һәм шәм җыю буенча бушлай мастер-класс бүләк иттеләр.

16 май көнне Саба район балалар китапханәсендә Саба гимназиясенең 4 “Г” сыйныф укучылары өчен «Юл әлифбасы»дип исемләнгән танып белү сәгате үткәрелде. Чарада “Юл хәрәкәте иминлеге” дәүләт бюджет учреждениясенең Казан шәһәрендәге профилактика бүлегенең Саба районы бүлеге башлыгы Ягафарова Г.Н.катнашты. Чара китап күргәзмәсенә күзәтү белән башланып китте. Ягафарова Г.Н «Юлларда куркынычсызлык» темасына чыгыш ясады. Укучылар юлда үз-үзләрен тотуның мөһим кагыйдәләрен искә төшерделәр, викторина сорауларына җавап бирделәр, ребусларны чиштеләр һәм пазллар җыйдылар. Чара ахырында укучыларга истәлекле бүләкләр тапшырылды.

Ел саен 15 май көнне Халыкара гаиләләр көне билгеләп үтелә. 
Бу бәйрәм хөрмәтенә 15 май көнне Саба урта гомуми белем бирү мәктәбе укучылары өчен Саба район китапханәсе "Жили-были сказочные семьи" дигән викторина үткәрде, әкиятләрдә дә әти-әниләр, абыйлар һәм апалар, бабайлар, әбиләр һәм хәтта бала караучылар да бар. Укучылар сорауларга актив җавап бирделәр. Әкиятләрне искә төшерделәр.
Чара ахырында китап күргәзмәсенә күзәтү үткәрелде.