ЯҢАЛЫКЛАР

Чебурашка-гадәти булмаган җәнлек, супергерой һәм берничә буынның яраткан кешесе. Иске Икшермә авыл китапханәчесе “Кояшкай” балалар бакчасында “Исәнме, дустым, Чебурашка!” пластилиныннан мастер класс үткәрде. Мастер класс Эдуард Успенский уйлап тапкан Чебурашканың туган көненә багышланган иде. Бу изге бәйрәм 2005 елдан бирле 20 августта билгеләп үтелә.
 Китапханәче балаларга «зур колаклы кызыклы җәнлек» әкиятенең барлыкка килү тарихын сөйләде. Тагын чебурашканың Россиянең Олимпия җыелма командасы талисманы булуын һәм Мәскәүдә Чебурашка музее ачылуын белделәр.
 Мультфильмдагы геройны балалар шатланып ясадылар һәм сюжетны сөйләделәр, Эдуард Успенскийның «Крокодил Гена и его друзья»әсәре буенча сорауларга җавап бирделәр. «Чебурашка» эше балалар өчен бик матур һәм кызык килеп чыкты. «Колаклы персонаж» җитештерү нәтиҗәсеннән барысы да канәгать иде.

20 август көнне Шәмәрдән авыл китапханәсе «Минем һөнәри карьерам» исемле китап дресс-коды үткәрде. Чарада катнашучылар китапханәче эшенең өстенлекләре һәм кызыклы мизгелләре, аның төп бурычлары, китапханә белгеченең нинди белем һәм күнекмәләр алырга тиешлеге турында белделәр. Балалар үзләрен китапханәче ролендә сынап карадылар, төрле китаплар, аларның урнаштыру тәртибе белән таныштылар һәм укучының формулярын тутырырга өйрәнделәр.

Чебурашка персонажы Эдуард Успенскийның «Крокодил Гена и его друзья» китабы битләрендә пәйда булды һәм мультфильм дөнья күргәннән соң күпләргә тагын да күбрәк яратыла башлады. 20 августта Чебурашка үзенең туган көнен билгеләп үтә, әлеге вакыйгага багышланган уен программасы «Әкият» балалар бакчасы балалары өчен оештырылды. Алып баручылар балаларга Чебурашканың туган көненә багышланган бәйрәм барлыгын сөйләделәр. Бәйрәмне «Каравай» җыры һәм Чебурашка турындагы китапларга күзәтү белән тәмамладылар.

«Җәй китабы 2024» проекты кысаларында 19 август көнне Олы Нырты авыл китапханәсе мөдире "Тукайлы җәй"әдәби сәгате үткәрде. Чара барышында балалар бөек татар шагыйре Г.Тукайның тормышы һәм иҗаты белән таныштылар. Г,Тукайнын "Бәхет" әсәрен укыдык, әсәр буенча сорауларга җавап бирелде һәм җавапларын дәфтәрләргә яздылар .

Саба туган якны өйрәнү музеенда бинаны капиталь ремонтлау эшләре дәвам итә. Экспозиция модульләрен җыю, мультимедиа җиһазларын, янгынга каршы системаны көйләү, видеокүзәтү камераларын урнаштыру эшләре алып барыла.

Саба урман хуҗалыгы тарихы музее Казахстаннан кунаклар кабул итте. Экскурсия барышында алар бик кызыксынып, авыл өе почмагын карадылар. Шулай ук, витраждагы, күмер белән йөргән беренче йөк автомобиленең сурәте, зур кызыксыну уятты.

Саба урман хуҗалыгы тарихы музеенда ТР Балтач районының мәгариф бүлеге хезмәткәрләре (Тарих укытучылары) экскурсиядә булдылар. Урманчыларыбызның урман хуҗалыгын алып бару, илнең яшел алтынын саклау, үрчетү өлкәсендәге казанышларына чын күңелдән сокланып, кунакларыбыз теләкләр китабында истәлекле язмалар калдырдылар.

19 август көнне район балалар китапханәсендә «Китаплы җәй»дип исемләнгән әдәби сәгать үткәрелде. Китапханәче китапханәгә кайткан яңа китаплар белән таныштырып, татар һәм рус әдипләренең әсәрләре буенча төзелгән әдәби викторина үткәрде. Викторинадан соң китап укучыларыбыз әсәрләрдән өзекләр укып,фикер алыштылар. Балалар өйләренә китаплар һәм уңай хис-кичерешләр белән кайтып киттеләр.

Җәмгыять тормышында вакытлы матбугатның роле зур. Газета-журналлар укучыларга әйләнә-тирәдәге хәлләр турында оператив мәгълүмат бирә. Вакытлы матбугатны уку яшь укучыларның дөньяга карашын киңәйтә, ял вакытын кызыклы һәм мавыктыргыч итеп тудыра.17 август көнне Шәмәрдән авыл китапханәсендә «Тормышыбызда вакытлы матбугат» дигән күзәтү үткәрелде. Китапханә укучылары журнал һәм газета дөньясына чумдылар.

«Мәдәни марафон» акциясе кысаларында 17 август көнне Шәмәрдән авыл китапханәсе Кырбаш авылы клубы белән берлектә «Эскәмиядә очрашулар» исемле дусларча аралашу сәгате үткәрде. Бик күп китаплар арасында әдәбиятның алтын фондын-классика дөньясын тәшкил иткәннәре дә бар. Тәрәзә артында кайсы гасыр торса да, бу әсәрләр актуаль һәм кирәкле булыр, әйтерсең лә алар безнең өчен һәм безнең хакта кичә генә язылган. Классика кешелек дөньясының интеллектуаль һәм мәдәни мирасының бер өлеше булып тора. Классик әдәбиятны укыганда, кеше рухи яктан баерак була, чөнки нәкъ менә классик әдәбиятны уку әхлаклылык һәм әхлаксызлык турында тулы күләмдә күзаллау бирә ала. Белгечләр балаларга классик әдәбиятның нәрсә икәнлеге һәм нинди әсәрләрнең классика булып саналуы турында сөйләделәр. Кайбер әсәрләр каралды. Чара рус язучылары иҗаты буенча викторина белән дәвам итте. Тәкъдим ителгән викторина катнашучыларга яраткан әсәрләрен искә төшерергә, акыл ягыннан разминка ясарга һәм ниндидер яңа нәрсәләрне белергә ярдәм итте.