ЯҢАЛЫКЛАР
26 май көнне район мәдәният йортында «Балкыш» театр коллективы куелышында «Күз нурларым»спектакленең чираттагы күрсәтелеше булды. Сюжет беренче минутлардан ук барлык тамашачыларның игътибарын җәлеп итте, барысын да «башка дөнья»га күчерде.
Лаеш районының Никольское авылында «Каравон» Бөтенроссия рус халык бәйрәме узды. Шәмәрдән мәдәният йортыннан бәйрәмдә «Тулган ай» фольклор коллективы һәм белгеч Г.М.Әхмәтшина «Уральская рябинушка», «В роще пел соловушек» рус халык җырлары белән чыгыш ясадылар. Концерт программасы өч сәхнәдә барды. Бу бәйрәмгә Татарстан Республикасы һәм Россия Федерациясе төбәкләреннән 150 дән артык коллектив җыелды. Бәйрәмдә катнашучыларны һәм кунакларны «Uen Fest» проекты кысаларында рус халык уеннары, «Кулачная артель» рус сугыш сәнгатенең традицион төрләре, халык иҗаты һөнәрләре буенча мастер-класслар, петрушкаларның театральләштерелгән тамашалары, җырчылар һәм ансамбльләр чыгышлары белән күңел ачу ярминкәсе көтә иде. Барлык катнашучылар да дипломнар белән бүләкләнде.
Шекше авыл мәдәният йорты һәм китапханә мөдирләре "Акчарлак" балалар бакчасының мәктәпкә әзерлек төркеме балалары өчен Туган тел һәм Халык бердәмлеге елы уңаеннан "Әлифба - барлык башлангычларның башы" дип исемләнгән танып-белү программасы үткәрделәр. Язма- кешелек мәдәниятенең иң мөһим өлешләренең берсе. Ә тиздән укучылар булачак балалар барлык хәрефләрне беләләр, хәтта укырга да өйрәнгәннәр. Чара башында катнашучылар табышмаклар чиштеләр, аларда яшеренгән хәрефләрне ачыкладылар. Аннан соң кызлар һәм малайлар татар хәрефләрен алфавиттан эзләп таптылар, сузык һәм тартык авазларны аердылар. Шулай ук балаларга дидактик карточкалар арасыннан үз исеменең беренче хәрефен табарга һәм шул ук хәрефкә башланган сүзләрне искә төшерергә тәкъдим ителде. Балалар куелган бурычларны бик яхшы үтәделәр. Аннан соң катнашучылар уен ярдәмендә үзләре дә хәрефкә әверелделәр һәм сүзләр төзеделәр. Чара ахырында балалар бүләкләргә ия булдылар.
Саба балалар сәнгать мәктәбе укучылары - «Шома бас» Халыкара бию конкурсы призерлары.
«Торсак та без төрле җирләрдә - без яшибез татар илендә»
Саба балалар сәнгать мәктәбе укучылары - «Бишенче элемент» Халыкара конкурсы призерлары.
Сәнгать мәктәбендә “Йолдызлар чаткысы” бию бәйрәме узды.
«Яшьлек» бию коллективы «Созвездие-Йолдызлык-2021» фестивалендә 3 урын яулады!
4 май көнне Килдебәк авыл мәдәният йорты хезмәткәрләре, китапханәче һәм балалар Бөек Ватан сугышы ветераны Муллахмәтов Гаян абыйның хәлен белергә өенә бардылар. Мәдәният хезмәткәрләре ветеранны якынлашып килүче Җиңү көне белән котладылар, сугышчан батырлыклары өчен рәхмәт белдерделәр. Ә мәдәният хезмәткәрләре балалар белән концерт номерлары әзерләгәннәр иде. Гаян абый очрашуга бик шат булды, бигрәк тә балаларның чыгышы аның күңеленә хуш килде. Ул кунаклар белән бик шатланып фотога төште һәм аны хәтерләгәннәре өчен рәхмәтләрен белдерде.
Саба балалар сәнгать мәктәбе укучылары Сатыш музей-мәдрәсәдә экускурсиядә булдылар.