ЯҢАЛЫКЛАР
Олы Кибәче авылы китапханәсе һәм Төбәк авыл клубы мөдире хезмәткәрләре укучылар өчен “Чүп өеменнән – шәп әйберләр” дигән мастер-класс үткәрделәр: кулланганнан калган материалдан эшләнмәләр ясадылар. Соңгы вакытта чүп эшкәртү проблемасы, башка экологик проблемалар арасында, беренче урынга чыкты. Әйләнә-тирә мохитне кирәкмәгән әйберләрдән саклап калу өчен, аларга куллану табарга һәм икенче тормыш бирергә кирәк. Китапханәче катнашучыларның игътибарын көндәлек тормышта күп кенә кешеләрнең чүп-чарга хәйран кызыклы әйберләр һәм материаллар чыгаруларына игътибар итте. Әгәр игътибар беләнрәк карасаң, һичшиксез ниндидер гадәттән тыш нәрсәгә әйләндерергә мөмкин булган чүп-чар табылачак. Көнкүрештә дә без чүп-чардан алынган әйберләрне еш кулланабыз. Бу әйберләрне производстводан алырга яки үз кулларың белән эшләргә мөмкин. Чүп-чардан әйберләр ясау - иҗади якын килү һәм зирәклек таләп итә торган мавыктыргыч шөгыль. Шулай ук бу көнне китап укучылар яңа китаплар белән дә таныштылар, аларны укырга алдылар.
Ромашка - гаилә, мәхәббәт һәм тугрылык көне символы, ул Россиядә 8 июльдә билгеләп үтелә. Бөтенроссия Гаилә, мәхәббәт һәм тугрылык көне алдыннан район китапханәсе хезмәткәрләре «Ямьле Саба» ял паркында «Кыңгырау» балалар бакчасы балалары өчен «Ромашка-гаилә символы»дигән әдәби-күңел ачу уены үткәрделәр. Китапханәчеләр балаларны бәйрәмнең тарихы һәм гореф – гадәтләре белән таныштырып, балалар белән бергә гаиләгә багышланган мәкальләрне һәм әйтемнәрне искә төшерделәр. Әдәби өлешеннән соң күңел ачу уеннары уйналды. Чара ахырында балалар журналларына: “Ежик”, “Фиксики”, “Салават купере”, “Барби”, “Саша һәм Маша” күзәтү ясалды.
27 июль көнне «Җәйге уку залы» кысаларында район китапханәсендә балалар китапханәсе белән берлектә «Газета, журналлар укыйк» дип исемләнгән вакытлы басмалар күргәзмәсе оештырылды. "Ёжик", "Көмеш кыңгырау", "Безнең Мирас" газет-журналлары тәкъдим ителде. Балалар өчен кычкырып оештырылды.
27 июль көнне Саба гимназиясе каршында эшләп килүче «Мирас» лагерь балалары Район балалар китапханәсендә кунакта булды. Балалар өчен китапханә буенча экскурсия үткәрелде. Китапханәче балаларны китапханәчеләрнең эшчәнлеге белән таныштырды, китапханә бүлекләрен күрсәтте һәм аларның әһәмияте турында сөйләде. Балалар хәтта үзләре дә китапханәче ролендә булдылар һәм «Китап таб»уенында актив катнаштылар.Ахырда уку залында балалар төрле китаплар һәм журналлар карадылар.
26 июль көнне Саба Үзәк китапханәсе балалар китапханәсе белән берлектә мәчет каршында эшләп килүче җәйге лагерь балалары өчен “Җәйге китапханә-2022” дип исемләнгән бәйрәм оештырды. Бәйрәмдә Убырлы,Шүрәле, Буратино һәм Зур китап кунак булдылар. Алар балаларга әкияти тамаша күрсәттеләр, шулай ук балалар белән бергәләп сорауларга җаваплар эзләделәр.
Безнең заманда без үз тамырларыбызны, ата-бабаларыбызның тормышы турында бик аз беләбез. Үз халкыңның мәдәниятенә тартылу бик мөһим, чөнки Ватан мирасына мөрәҗәгать итү үзең яшәгән җир өчен хөрмәт, горурлык тәрбияли. Шуңа күрә ата-бабаларыбызның мәдәниятен белергә һәм өйрәнергә кирәк. 19 июль көнне Шәмәрдән авыл китапханәсендә Шәмәрдән мәдәният йорты белән берлектә «Мәдәни мирас» дип исемләнгән балалар белән әңгәмә үткәрелде. Чара барышында балалар станциядән станциягә күчеп, мавыктыргыч сәяхәткә чумдылар. «Халык бәйрәмнәре» станциясендә балалар Сабантуй, Корбан бәйрәме һәм башка бәйрәмнәр турында күп кенә кызыклы мәгълүмат белделәр. «Рус көнкүреше» станциясе көянтә, чабата һәм самавыр белән таныштырды. «Пословица недаром молвится» станциясе бик мавыктыргыч үтте, анда мәкальләрне тизлеккә дәвам итәргә кирәк иде. Чара бик кызыклы һәм мавыктыргыч үтте, балалар үзләре өчен бик күп яңалык белделәр.
Иләбәр авыл китапханәсенә йөрүче укучылар китапханә тарафыннан оештырылган проектларда теләп катнашалар.Район китапханәсе тарафыннан оештырлган “Әдәби алан” проетында катнашучылар 21 июль көнне китапханәгә килеп биремнәр эшләделәр.Язучы З.Туфайлованың иҗат һәм тормышына кагылышлы сорауларга җаваплар яздылар, язучының шигырьләре белән таныштылар, рәсемнәр ясадылар.
14 июль көнне Үзәк район китапханәсе хезмәткәрләре Олыяз, Мишәбаш һәм Лесхоз авыл китапханәчеләре,клуб һәм мәдәния хезмәткәрләре белән берлектә балалар өчен "Җәйге китапханә- 2022 сәяхәткә чыга" дип исемләнгән бәйрәм оештырдылар. Бәйрәм күңелле уеннар һәм биюләр белән үрелеп барды
13 июль көнне Үзәк район китапханәсе хезмәткәрләре Олы Кибәче, Иске Икшермә, Олы Арташ һәм Чәбья-Чүрчи авыл китапханәчеләре,клуб һәм мәдәния хезмәткәрләре белән берлектә балалар өчен бәйрәм оештырдылар. Бәйрәм күңелле уеннар һәм биюләр белән үрелеп барды.
29 март көнне Ә. Кәримуллин исемендәге район үзәк китапханәсендә «Алтын куллар» клуб берләшмәсенең чираттагы утырышы узды. Утырыш бәйләүгә багышланган иде. Бәйләү - борынгы халык һөнәре, ул бүген кабат әйләнеп кайтты. Бәйләү процессы кешегә шатлык китерә, үзен иҗатта күрсәтү, гадәти һәм көндәлек көнкүрештә матурлык күрү мөмкинлеге бирә. Китапханәдә әлеге һөнәргә багышлангане әдәбияттән һәм вакытлы матбугаттан торган күргәзмә оештырылды һәм күзәтү үткәрелде.