Чараның төп максаты-гражданнарга ярдәм итү, үз хокукларын ачыклау
Татарстан Республикасы Дәүләт алкоголь инспекциясенең Арча территориаль органы хезмәткәрләре «Балкыш» АКБОДА (Саба муниципаль районы) мәгърифәтчелек очрашуы үткәрделәр. Чараның төп максаты-гражданнарга, шул исәптән өлкән яшьтәге кешеләргә үз хокукларын ачыкларга ярдәм итү һәм товарлар сатып алганда мәнфәгатьләрен якларга өйрәнү.
Очрашу барышында белгечләр сыйфатсыз товарларны кайтару һәм алмаштыру тәртибе, шулай ук яраклылык срогы чыккан продукцияне китерү яки сату срогы бозылган очракта гамәлләр турында җентекләп сөйләделәр. Тыңлаучылар бәхәсле ситуацияләрдә кая мөрәҗәгать итәргә һәм нинди адымнар ясарга кирәклеге белән актив кызыксындылар.
Хокукый грамоталылыкны арттыру өчен катнашучыларга мәгълүмати материаллар: белешмәләр, буклетлар һәм күрсәтмә әсбаплар тапшырылды. Моннан тыш, хезмәткәрләр «кулланучылар хокукларын яклау турында " РФ Законы нигезендә үз хокукларыңны ничек тормышка ашырырга кирәклеген аңлаттылар.
Мондый очрашулар өлкән буын кешеләре өчен аеруча мөһим: ачык диалог аларга проблемалары белән ялгыз калмаска һәм борчыган мәсьәләләр буенча квалификацияле аңлатмалар алырга мөмкинлек бирә.