Муниципаль районнар Саба муниципаль районы

Тукай һәм Җәлил иҗаты — йөрәкләрдә!

2026 елның 6 мае, чәршәмбе

5 май көнне «Сабантуй» спорт комплексы залында "Яшьлек" яшьләр үзәге коллективы бик матур вакыйга уздырды: бөек шагыйрь Габдулла Тукайның тууына 140 ел тулу уңаеннан шигырь бәйгесенә нәтиҗәләр ясалды һәм катнашучылар арасында Тукайның 140 еллыгына, Муса Җәлилнең 120 еллыгына багышланаган квиз-уен уздырылды!
Катнашучылар үзләренең белемнәрен тикшерделәр:
- шагыйрләрнең биографияләре;
- танылган әсәрләре ;
- язучыларның татар әдәбияты һәм мәдәнияте үсешенә керткән өлешләре.
Командалар эрудиция, бердәмлек һәм классик иҗаты белән җанлы кызыксыну күрсәттеләр.
Шигыр бәйгесе нәтиҗәләре буенча "Саба йөзү бассейны" "Милли рухны чагылдырган өчен" диплом белән бүләкләндеГабдулла Тукай мирасына белем һәм хөрмәт бәйрәме атмосферасы өчен оештыручыларга рәхмәт белдерәбез!Һәрбер катнашучы үзенең белемнәрен күрсәтеп, залда матур атмосфера тудырды.Без Тукай иҗатын яңа буынга җиткерәбез!Туган тел- иң бөек байлык!

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Олы Кибәче урта гомумбелем бирү мәктәбенең укучылары «Хәтер бакчасы» Бөтенроссия акциясендә катнаштылар

Олы Кибәче урта гомумбелем бирү мәктәбенең 9, 11 сыйныф укучылары «Хәтер бакчасы» Бөтенроссия акциясендә катнаштылар. Җиңү көне, Бөек Ватан сугышы геройларына рәхмәт һәм хөрмәт йөзеннән бөтен ил буйлап агачлар утыртыла. Без чыгарылыш сыйныф укучыларының сыйныф җитәкчеләре белән берлектә бу мөһим эшкә үз өлешләрен кертүләре белән горурланабыз. Алар утырткан агачлар үсеп, ныгып, ата-бабаларыбызның батырлыгын искә төшереп торсын!

Лесхоз интернат-йортында хәтер дәресе

Бөек Җиңү көне алдыннан,6 май көнне, Лесхоз интернат-йортында тәрбияче җитәкчелегендә «Георгий тасмасы-хәрби дан символы» хәтер дәресе үткәрелде. Интернатта яшәүчеләр сугышчан дан символы – Георгий тасмасының барлыкка килү тарихы һәм аның җәмгыятьтәге үткәндәге һәм хәзерге вакыттагы роле турында белделәр: ул һәрвакыт Ватаныбызны саклаучыларның батырлыгын гәүдәләндерде.

Квиз – уенда 1 урын

5 май көнне Габдулла Тукайга 140, Муса Җәлилгә 120 ел тулу уңаеннан “Яшьлек” яшьләр үзәге тарафыннан “Сабантуй” спорт – мәдәни комплексында квиз – уен оештырылды. Уенда катнашу өчен 10 команда чакырылган иде. Әлеге мавыктыргыч чарада Финанс – бюджет палатасының да “Ялт–йолт” командасы катнашты. Ни өчен Ялт – йолт дигәндә, беренчедән, Габдулла Тукайның күпчелек сатирик әсәрләре “Ялт – йолт” журналында басылып килсә, икенчедән, финансист хезмәте, бухгалтер һөнәре нәкъ менә шундый төгәл сыйфатларга ия һәм һәр эш оператив, ягъни ялт- йолт итеп башкарылып килә. Квиз берничә раундтан торып, һәр раундта ике шагыйрьнең тормыш һәм иҗат юлы буенча кызыклы сораулар яңгырады. Сорауларга бирелгән җаваплардан йомгак ясалып, нәтиҗәдә, Финанс – бюджет палатасы командасы лаеклы 1 урынга ия булды. Афәрин!

«Югары социаль нәтиҗәлелек Россия оешмасы» конкурсы

Татарстан Республикасы Хезмәт, халыкны эш белән тәэмин итү һәм социаль яклау министрлыгы (алга таба – министрлык) 01.04.2026 елның 22-21/4617 номерына өстәмә рәвештә «Россиянең югары социаль нәтиҗәлелек оешмасы» (алга таба – Конкурс) бөтенроссия конкурсын уздыру кысаларында гаризалар җыюның дәвам итүе турында искә төшерә.

ЯҢАЛЫКЛАРГА ЯЗЫЛУ