Килдебәк авылында Нәүрүз бәйрәме

2026 елның 24 марты, сишәмбе

  22 март  көнне Килдебәк авыл мәдәният йорты хезмәткәрләре китапханәче белән берлектә «Нәүрүз мөбәрәк булсын» дип исемләнгән бәйрәм үткәрделәр. Нәүрүз –язны каршылап, язгы  чәчү эшләре алдыннан  үткәрелә торган халык бәйрәме ул. Нәүрүз-ул игелек, дуслык бәйрәме. Ул тынычлыкка, матурлыкка өндәүче бәйрәм.  Бу бәйрәмне авыл халкы түземсезлек белән көтеп ала, чөнки бу көнне барысы да күңел ачалар, бер-берсенең хәлен белә.

  Бәйрәм авыл халкын ботка, коймак һәм чәй белән сыйлаудан башланып китте. Бәйрәм төрле уеннар һәм бәйгеләр белән дәвам итте.

 Шулай итеп авыл халкы һәм бәйрәмгә килгән кунаклар бергә күңелле итеп кышны озатып, язны каршы алдылар. Бәйрәм бик күңелле үтте. Беркем дә бүләксез калмады.