Архив бүлегенә экскурсия үткәрелде
Бүген Саба туган якны өйрәнү музее каршында оештырылган «Мирас» клубы катнашучылары өчен Саба муниципаль районы Башкарма комитетының архив бүлегенә экскурсия үткәрелде. Катнашучыларны Саба муниципаль районы Башкарма комитеты җитәкчесе урынбасары - Башкарма комитет Аппараты җитәкчесе Ирек Рамазан улы Гарипов каршы алды.
Экскурсия барышында катнашучылар архивның ничек эшләвен, документларның кайда саклануын һәм аларны озак вакыт саклау өчен нинди шартлар тудырырга кирәклеген белделәр.
Аларга архив фондларыннан документлар күрсәттеләр.
Кунаклар шулай ук архив саклагычта булдылар. Анда булу катнашучыларда зур кызыксыну уятты. Алар бинаның мәйданы һәм анда сакланган документларның саны белән гаҗәпләнделәр.
Архив бүлеге җитәкчесе Альбина Нәкыйповна анда нинди документлар саклануын һәм архивларның ни өчен кирәклеген сөйләде. Экскурсия барышында бик күп сораулар бирелде, Альбина Нәкыйповна аларга бик теләп җавап бирде.
Барлык катнашучылар да киләчәктә дә архив белән хезмәттәшлекне дәвам итәргә теләк белдерделәр.