«Балаларның да хокуклары бар»

2025 елның 21 ноябре, җомга

20 ноябрь көнне Оет авыл клубы авыл китапханәсе белән берлектә «Балаларның да хокуклары бар» дигән темага уен  үткәрде. Балалар Бала хокуклары турындагы конвенциядә беркетелгән төп хокуклар белән төрле интерактив уеннар һәм дәресләр аша таныштылар. Рольле уеннарда рәхәтләнеп катнаштылар, анда хокукларны яклаучылар ролен үз өстенә ала алдылар, шулай ук көндәлек тормышта һәр хокукның мөһимлеген тоя алдылар. Уен формасы балаларга үз хокуклары турындагы мәгълүматны яхшырак үзләштерергә генә түгел, ә башкаларның хокукларын хөрмәт итәргә дә өйрәнергә мөмкинлек бирде.