Бөтенроссия Физкультурачылар көненә багышланган чара
5 август көнне Байлар Сабасында "Олимп" стадионында Бөтенроссия Физкультурачылар көненә багышланган спорт программасы узды.
Тантаналы ачылышта Саба муниципаль районы Башкарма комитеты җитәкчесе Марат Рашат улы Ишниязов, Яшьләр эшләре һәм спорт бүлеге җитәкчесе Ирек Рамазан улы Гарипов катнашты. Үзләрен аеруча күрсәткән физик культура һәм спорт хезмәткәрләренә ТР Спорт министрлыгы бүләкләре тапшырды.
Алып баручылар физик активлыкның һәм сәламәт яшәү рәвешенең мөһимлеге, шулай ук һәр кеше тормышында спортның әһәмияте турында сөйләделәр.Физкультурачылар көне-профессиональ спортчылар бәйрәме генә түгел, ә барыбыз өчен дә спорт һәм физик күнегүләргә кушылу мөмкинлеге дә ул.
УРАМ командасы киң аудитория өчен экстремаль спорт төрләре буенча мастер-класслар сериясе уздырды. BMX, самокат, скейтбординг, воркаут һәм паркур буенча дәресләр оештырылды. УРАМ Тур проекты җирле бергәлекләр, экстремаль спорт төрләре һәм урам мәдәнияте интеграциясеннән гыйбарәт. Ул интерактив форматларны, мәгариф һәм спорт мастер-классларын, шулай ук профессиональ спортчылар белән очрашуларны үз эченә ала. Турның төп максаты-урам инфраструктурасын үстерү, кече һәм урта торак пунктларда яшьләр мәдәниятенә ярдәм итү, шулай ук экстремаль спорт төрләре белән шөгыльләнү һәм үз-үзеңне белдерү өчен локаль мәйданчыклар булдыруны стимуллаштыру.
Физкультурачылар Көненә ярышлар оештырылды, алар катнашучыларның бердәмлегенә һәм актив ял итүенә ярдәм итте: ир-атлар, хатын-кызлар, 14 яшькә кадәрге балалар һәм 45 яшьтән өлкәнрәк ветераннар арасында 1000, 800, 400 метрга йөгерү; 4х100 эстафетасы; аркан тарту; армспорт; таяк тарту; баскетбол; пляж волейболы һәм футбол; шәһәрчекләр. Ярышлар программасына шулай ук ГТО комплексы элементлары да кертелгән : тартылу; пневматик винтовкадан ату; гер күтәрү; ир-атлар, хатын-кызлар һәм ветераннар арасында отжимание.
Җиңүчеләргә грамоталар һәм акчалата бүләкләр бирелде. Катнашучылар бик күп уңай хис-кичерешләр алды, ә ярышлар атмосферасы дуслык һәм үзара ярдәмләшү рухы тудырды.