Сак булыгыз, су коенучылар!
Туктап торган сулыкларда коену сәламәтлек өчен куркыныч булырга мөмкин икәнен беләсезме? Табиблар церкариоз, яки "су коенучы кычыткан" – махсус паразит китереп чыгара торган күңелсез чир йоктыру куркынычы турында кисәтә.
Нинди авыру бу?
Церкариоз-басып торган яки аз агып торган төче сулыкларда коенганнан соң барлыкка килә торган ялкынсынучан тире авыруы. Авыру китереп чыгаручы Паразит моллюскларда һәм су кошларында тереклек итә, ә кеше очраклы гына хуҗа була.
Ничек күренә?
Коенганнан соң тире нык кычыта һәм кызара башлый, папула яки кабартма рәвешендә сыеклыклар барлыкка килә. Авыр очракларда температура күтәрелергә, йокысызлык һәм коры йөткерү барлыкка килергә мөмкин. Әгәр дә сыекча тарый башласаң, бактериаль инфекция йоктыру куркынычы бар.
Куркыныч зонасында кемнәр бар?
Авыруга бигрәк тә балалар, өлкән яшьтәге кешеләр, шулай ук иммунитеты какшаган яки тире белән проблемалары булган кешеләр – дерматит, аллергия яки астма дучар була.
Үзеңне ничек сакларга?
Коену өчен махсус җиһазландырылган пляжларны гына сайлагыз, басып торган сулыклардан качыгыз һәм коенганнан соң һичшиксез душ алыгыз. Ә иң мөһиме – үз-үзегезне дәвалау белән шөгыльләнмәгез! Симптомнар барлыкка килгәндә, шунда ук дерматовенерологка яки инфекционистка мөрәҗәгать итегез.
Исегездә тотыгыз: сәламәтлегегез – сезнең кулда! Үзегезне һәм якыннарыгызны саклагыз!