«СТЕНА ПАМЯТИ» АКЦИЯСЕ

2025 елның 20 феврале, пәнҗешәмбе

2025 елның 19 февралендә «Яшьлек» яшьләр үзәге хезмәткәрләре, Җиңү волонтерлары һәм «Игелекле Саба" волонтерлары белән берлектә, Бердәм гамәлләр көненә багышланган, «Стена Памяти» акциясендә катнаштылар . Бу чара "Җиңүгә кадәр 80 көн" акциясенең старт вакыйгасы булды.
Әлеге проект тарихи хәтерне саклауга һәм ата-бабаларның батырлыкларына хөрмәт тәрбияләүгә юнәлдерелгән. Хәтер дивары Бөек Ватан сугышы ветераннары, тыл геройлары һәм Бөек Җиңүгә өлеш керткән барлык кешеләрнең фотосурәтләреннән ясалган. Һәр сурәт-батырлык, ныклык һәм Ватанга мәхәббәт тарихы.