«Югары Утар психик тайпылышлары булган гражданнар өчен балалар интернат-йорты» дәүләт казна учреждениясендә Рәсәйдә кышлаучы кошлар көненә багышланган чара

2025 елның 15 гыйнварында тәрбияче Шакирова Эльмира Данил кызы «Россиянең кышлаучы кошлары көне» темасына чара үткәрде. Чара балаларга кышлаучы кошлар турында белем бирү һәм канатлы дусларына ярдәм итү максатында үткәрелде. Кошлар безнең Яшел планетабызның барлык почмакларында яшиләр. Алар безне матур җырлаулары, төрле каурыйлары, гаҗәеп күптөрлелеге белән сөендерәләр. Кошлар сайравы булмаса, дөнья күңелсез булыр иде. Кошлар урман санитарлары булып торалар һәм зарарлы бөҗәкләрне ашыйлар. Ләкин салкыннар башлангач, күп кенә кошлар көньякка очып китә, ә кайберләре бездә кышларга кала, һәм аларны кышлаучы кошлар дип атыйлар. Тәрбияче балаларга кышлаучы кошлар турында һәм кошлар өчен кыш көне ачлыкның куркынычрак булуы турында сөйләде. Кыска кышкы көндә кошлар чак кына ачлыкны басарга өлгерә. Кышкы салкында ач һәм хәлсезләнгән кошлар бик тиз туңа. Шуңа күрә бу авыр вакытта кошларга ярдәм итү өчен балалар тәрбиячеләре белән бергә кошларга азык сайладылар һәм йөргән вакытта җимлекне агачка урнаштырдылар.