Кече Шыңар авылы мәдәният йортында спорт-күңел ачу программасы
Инвалидлар декадасы кысаларында Кече Шыңар авылы мәдәният йортында балачактан мөмкинлекләре чикләнгән кешеләр өчен спорт-күңел ачу программасы оештырылды. Чараны Олы Шыңар авыл җирлеге инвалидлар җәмгыяте рәисе Рафаэль Әхмәтов ачып җибәрде.Кунаклар билъярд, теннис һәм шашка буенча турнирда катнаштылар. Викторина сорауларына җавап табу, көйдән үткән еллар җырларын һәм артистларның исемнәрен белү, чәй өстәле артында аралашу белән дәвам итте. Тематик кичәнең максаты катнашучыларга, әгәр кешенең үз максатларына ирешү теләге һәм омтылышы булса, аның өчен мөмкин булмаган бернәрсә дә булмавын җиткерү булды.
Шулай ук авылдашларны, район мәдәният йортында мөмкинлекләре чикләнгән кешеләр өчен куелган концертка алып бару оештырылды.