«Көзге бал» бәйрәме
11 октябрь көнне Иштуган мәдәният йорты белгечләре һәм «Каенкай» балалар бакчасы хезмәткәрләре өлкән төркем өчен «Көзге бал» бәйрәме үткәрделәр. Балалар өчен бу истә калырлык, шатлыклы һәм якты бәйрәм, ул аларга көз турында ел фасылы буларак күзаллауларны ныгытырга ярдәм итә. Көзне «моңсу вакыт» дип атасалар да, балалар агачлардан коелган төрле төстәге яфракларга барыннан да бигрәк шатланалар. Балалар көзге бәйрәмне түземсезлек белән көттеләр. Балаларга кунакка Көз патшабикәсе, шулай ук Юеш һәм Суык көз килде. Алар бәйрәмне бозарга теләделәр һәм көзне йоклатканнар, ләкин балалар аны үзләренең шигырьләре һәм биюләре белән уята алдылар. Көзге балда балалар көз турында җырлар җырладылар, уеннар уйнадылар, шигырьләр укыдылар. Балаларга бигрәк тә җитезлек һәм зирәклек күрсәткән уеннар ошады. Бәйрәм башланыр алдыннан балалар белән «көз»темасына әңгәмәләр үткәрелде. Чара берничә педагогик бурычны хәл итүгә юнәлдерелгән иде: баланың иҗади сәләтен үстерү, аңа табигатькә карата мәхәббәт һәм сакчыл мөнәсәбәт тәрбияләү, шулай ук аның билгеләрен истә калдыру һәм көзне кабул итү. Балалар белән бәйрәмнәр-ул һәрвакыт гаҗәеп могҗизалар, Тылсымлы буяулар, балаларның яңгыравыклы көлүләре, елмаюлар һәм күңел ачулар диңгезе. Чара күңелле, мавыктыргыч булды. Барлык кунаклар да бик күп уңай хис-кичерешләр алды.