«Тургай»приютында өлкәннәр көне

2024 елның 2 октябре, чәршәмбе

 Көзге календарьда бер истәлекле көн бар, ул  — 1 октябрь, бу вакытта һәрберебезнең күңеле өлкәннәргә карата тирән рәхмәт, ихтирамлылык хисе белән яна башлый — ул өлкәннәр Көне. Бу көнне, безнең приютта өлкәннәргә багышланган бәйрәм  концерты үтте. Безнең приютта  тәрбияләнүчеләр әзерләгән музыкаль котлаулар өлкән буын вәкилләренең күңеленә хуш килде. Бәйрәм чарасы дәвамында балалар өлкәннәребезгә саулык-сәламәтлек, озын, тыныч, мул тормышта яшәүләрен теләп котлау сүзләре җиткерделәр.