"Робинзон" республика хәрби-патриотик слетында 2 урын безнеке!
28 августта Яр Чаллы шәһәренең "Каенкай" ял базасында Татарстан Республикасының балалар һәм яшүсмерләр өчен социаль приютларда тәрбияләнүчеләр өчен "Робинзон" республика хәрби-патриотик слеты узды. Безнең тәрбияләнүчеләр дә балигъ булмаганнар арасында күзәтүчесезлекне, хокук бозуларны һәм җәмгыятькә каршы гамәлләрне кисәтүгә юнәлдерелгән чарада катнаштылар. Слет өч этапта узды:
1 этап-интеллектуаль тур
2 этап-хәрби-спорт полосасы
3 этап-музыкаль үткел
Төп этаплар арасында командалар"Камаз" автомобиле моделен ясау", "агачтан брелок ясау"," мишки BEARBRICK"," Шәрык көрәшләре "кебек мастер - классларда булдылар. Балаларны "Аква - грим" осталары белән танышу, шулай ук "Лазертаг"та уйнау мөмкинлеге бик сөендерде. Тамашачыларның күңелен гаять зур буйлы мишка - панда кызыксындырды. Хәрби - патриотик уен нәтиҗәләрне игълан итү һәм тантаналы бүләкләү белән тәмамланды.
Барлык этапларны сынатмыйча үтеп, безнең "Патриоты России" командасы мактаулы 2 урынны яулады !!! Бу онытылмаслык чара балаларга бик күп уңай эмоцияләр, күп яңа дуслар һәм тәэсирләр бүләк итте. Әлеге чара тәрбияләнүчеләр тормышында үзенчәлекле вакыйга булып, тынычлык, бердәмлек һәм дуслык бәйрәменә әверелде.